Nepal Purbadhar

सोमवार, असार ४, २०८१
Monday, June 17, 2024

सोमवार, असार ४, २०८१
Monday, June 17, 2024
नदी धमिलिन थालेपछि मेलम्चीकाे पानी वितरण बन्द गर्ने तयारी  धाप्लाङघाटमा निर्माणाधीन पक्की पुलको पिल्लर बांगियाे    ढुवानी हडतालले पेट्रोलपम्पमा सवारी साधनको लाइन,चालकलाई छलफलका लागि बोलाइयो    विश्व बैंकको नेपाल निर्देशकमा डेभिड सिस्लेन नियुक्त उत्कृष्ट पर्यटकिय गन्तव्य स्थल ‘खुम्बु क्षेत्र’ मा थप पूर्वाधार विस्तार गरिँदै    पूर्वाधार क्षेत्रमा हुने बेरुजु न्यूनीकरणको लागि कानूनी स्पष्टता आवश्यक मुस्ताङको लोमान्थानमा पश्मिना डिडस्टिङ प्लान्ट स्थापना, पश्मिना गुणस्तरमा उल्लेख्य योगदान पुग्ने बेनी-जोमसोम-कोरला सडकको तिप्ल्याङ खण्ड स्तरोन्नति हुँदै

३३ सय मेगावाटका विद्युत आयोजना निर्माणाधीन,चालू वर्ष ८ सय मेगावाट ग्रिडमा आउने


काठमाडौं । अहिले नेपाल विद्युत प्राधिकरणका सहायक कम्पनी तथा निजी क्षेत्रको लगानीमा करिब ३३ सय मेगावाटका विद्युत आयोजना निर्माणाधीन छन् । अबको ३ वर्षभित्र सम्पन्न भइसक्ने लक्ष्यसहित विभिन्न जिल्लामा यी जलविद्युत तथा सौर्य विद्युत आयोजना निर्माण भइरहेका हुन् ।

प्राधिकरणका सहभायक कम्पनीहरूमार्फत ४४७.३ मेगावाटका ४ जलविद्युत आयोजना निर्माणाधीन छन् । सहायक कम्पनीमार्फत १११ मेगावाटको रसुवागढी, १०२ मेगावाटको मध्यभोटेकोसी, १४.८ मेगावाटको माथिल्लो सान्जेन, ४२.५ मेगावाटको साञ्जेन गरी ४ जलविद्युत आयोजना निर्माणाधीन छन् ।

सन् २०१४ बाटै निर्माणमा गएका यी आयोजना सम्पन्न भई प्रसारण प्रणालीमा आइसक्नु पर्ने थियो । तर, विविध कारणले आयोजनाको निर्माण लम्बिँदा यी आयोजना अहिलेसम्म प्रणालीमा आउन सकेका छैनन् । निर्माण अन्तिम चरणमा पुगेका यी आयोजना चालू आर्थिक वर्षभित्र सम्पन्न भई प्रसारण प्रणालीमा जोडिने सम्भावना छ ।

निजी क्षेत्रले कूल २८ सय ३३ मेगावाट बढीका आयोजना निर्माण गरिरहेको छ । जसमा २७७५.७८८ मेगावाटका जलविद्युत आयोजना निर्माणाधीन अवस्थामा रहेको प्राधिकरण विद्युत व्यापार विभागले जनाएको छ । विभागका अनुसार ५७.८ मेगावाटका सौर्य विद्युत आयोजना निजी क्षेत्रले विभिन्न जिल्लामा निर्माण गरिरहेको छ ।

निजी क्षेत्रले अघि बढाएका १२५ जलविद्युत र १० वटा सौर्य विद्युत आयोजना निर्माणाधीन छन् । अहिले निर्माणमा रहेकामध्ये ८ सय मेगावाटका विद्युत आयोजना चालू आर्थिक वर्ष (२०७९/८०) भित्र सम्पन्न हुँदैछन् ।

यो वर्ष रसुवागढी, माथिल्लो सान्जेन र सान्जेनसँगै सोलु कोरिडोरमा निर्माणाधीन ८२ मेगावाटको तल्लो सोलु, ८६ मेगावाटको सोलु दूधकोसी, ४४ मेगावाटको सुपर मादी, २५ मेगावाटको माथिल्लो दोर्दी ‘ए’, २७ मेगावाटको दोर्दी खोला आयोजना सम्पन्न हुँदैछन् । २८.१ मेगावाटको तल्लो लिखु, कालंका मेसिनमा निर्माणाधीन ६४ मेगावाटका ३ सहितका आयोजनाले विद्युत उत्पादन सुरु गर्ने पछिल्लो तालिका रहेको प्राधिकरणले जनाएको छ ।

अहिले निजी क्षेत्रले लगानी गरेका १२२ जलविद्युत आयोजना निर्माण सम्पन्न भई सञ्चालनमा छन् । ८ सौर्य विद्युत आयोजनाले विद्युत उत्पादन गरिरहेका छन् ।प्राधिकरणको सहायक कम्पनीले निर्माण गरेका ४५६ मेगावाटको माथिल्लो तामाकोसी र चिलिमेको २२ मेगावाट गरी कूल ४७८ मेगावाट विद्युत प्रणालीमा छ ।


Read Previous

प्राधिकरणले सशस्त्रसँगको सहकार्यमा १७ चार्जिङ स्टेसन बनाउने,विद्युतीय चुलो उपयाेग गर्न समझदारी 

Read Next

ढिलोमात्र होइन, तोकिएकाे तालिकाभन्दा अघि  पनि सम्पन्न भएका छन् पूर्वाधार परियोजनाहरू

Leave a Reply

Your email address will not be published.