Nepal Purbadhar

बुधबार, अशोज १२, २०७९
Wednesday, September 28, 2022

बुधबार, अशोज १२, २०७९
Wednesday, September 28, 2022
बजेट पारदर्शितामा नेपाल १२ स्थान तल झर्यो, नागरिक सहभागितामा भने दक्षिण एशियामै उत्कृष्ट अवस्था ठिक नभएका २५ सवारी साधन ट्राफिक प्रहरीको कारवाहीमा, १४ नियन्त्रणमा कोषले हिमाल दोलखा हाइड्रोपावरको हकप्रद शेयरको प्रत्याभुति गर्ने हरित हाइड्रोजनमा लगानी भित्र्याउन ‘नेपाल ग्रीन हाइड्रोजन समीट’ गर्दैछाैंः घले पश्चिम सेती अध्ययन अनुमतिपत्रका लागि भारतीय कम्पनीको आवेदन निजी क्षेत्रलाई विद्युत व्यापारको अनुमति दिन अध्यादेश (यस्ता छन् विद्युत व्यापारका प्रावधानहरु) कोटेश्वर–सूर्यविनायक सडकमा प्राधिकरणले जोड्यो स्मार्ट बत्ती, झिलिमिली बन्यो सडक २ अर्ब बढी लगानीमा भरतपुर महानगरकाे ढल व्यवस्थापन गरिने

६२८ सर्किट किलोमिटर प्रसारण लाइन सञ्चालनमा,५३ लाख बढी घरधुरीमा ग्रिडकाे विद्युत


काठमाडौं । नेपाल विद्युत प्राधिकरणले एक वर्षमा विभिन्न भोल्टेज लेभलको ६२८ सर्किट किलोमिटर प्रसारण लाइन सञ्चालनमा ल्याएको छ । प्राधिकरणले गत आर्थिक वर्ष (२०७८/७९) मा विभिन्न जिल्लाहरूमा निर्माणाधीन प्रसारण लाइन आयोजना सम्पन्न गरी प्रसारण प्रणालीको क्षमता बढाएको हो ।

यो अवधिमा २२० केभी कोसी कोरिडोर प्रसारण लाइनको १०६ सर्किट किलोमिटर प्रसारण लाइन निर्माण सम्पन्न भई पूर्ण क्षमतामा सञ्चालन आएको बुधबार भइरहेको ३७औं वार्षिकोत्सवका अवसरमा जारी गरिएको कार्यकारी निर्देशक कुलमान घिसिङको प्रतिवेदनमा जनाइएको छ । प्रतिवेदनका अनुसार २२० केभी मर्स्याङ्दी–काठमाडौं प्रसारण लाइनको १६४ सर्किट किलोमिटर प्रसारण लाइन सञ्चालनमा आई प्रणालीको क्षमता बढेको छ ।

यस्तै, १३२ केभी सोलु कोरिडोर प्रसारण लाइनको १८० सर्किट किलोमिटर प्रसारण लाइन पनि गत आर्थिक वर्षमा नै सम्पन्न भई सञ्चालनमा आएको छ । १३२ केभी क्षमताका मोतिपुर–सन्धिखर्कको १७४ सर्किट किलोमिटर, बर्दघाट–सर्दीको २८ सर्किट किलोमिटर, बुटवल–मेनहैयाको ३६ सर्किट किलोमिटर र नयाँ मोदी–लाहाचोकको ४० सर्किट किलामिटर प्रसारण लाइन निर्माण पूरा भई सञ्चालनमा ल्याइएको प्राधिकरणको वार्षिक प्रतिवेदनमा जनाइएको छ ।

यसैगरी, यो अवधिमा १३८३ एमभिए क्षमताका ग्रिड सबस्टेसन निर्माण सम्पन्न गरी सञ्चालनमा ल्याइएको प्राधिकरणले जनाएको छ । प्राधिकरणले चैनपुर सेती, आँधीखोला जलाशय, बेगना–रुपा पम्प स्टोरेज जलविद्युत आयोजनाको अध्ययन यो एक वर्षमा विभिन्न चरणमा पुर्याएको छ ।

४९० मेगावाटको अरुण–४ जलविद्युत आयोजना भारतको सतलज विद्युत निगमसँग मिलेर निर्माण गर्न समझदारी पत्रमा हस्ताक्षर गरेको पनि प्राधिकरणको वार्षिक प्रतिवेदनमा जनाइएको छ ।

विद्युत उपयोग गर्ने ग्राहक ५३ लाख २० हजार पुगे

देशभरमा विद्युत उपयोग गर्ने ग्राहकको संख्या ५३ लाख २० हजार पुगेका छन् । गत वर्ष राष्ट्रिय प्रसारण प्रणालीको विद्युत उपयोग गर्ने ग्राहक अघिल्लो आर्थिक वर्षको तुलनामा ५.२५ प्रतिशत बढेपछि कूल ग्राहक संख्या ५३ लाख नाघेको हो ।

जसमा प्राधिकरणको विद्युत उपयोग गर्ने ग्राहक ४७ लाख ७० हजार छन् । साढे ५ लाख ग्राहक सामुदायिक संस्थामार्फत प्राधिकरणको सेवा लिने ग्राहक छन् । गत आर्थिक वर्षमा भएको विद्युतीकरण विस्ताले देशको कूल जनसंख्याको ९२.५१ प्रतिशतमा ग्रिडा प्रणालीको विद्युत पहुँच पुगेको पनि वार्षिक प्रतिवेदनमा जनाइएको छ ।


Read Previous

नेपालको पूर्वाधार विकास र निजी क्षेत्रको न्यून सहभागिता

Read Next

‘अनियमितता, ढिलासुस्ती र भ्रष्टाचार कसैले नगर्नुहोस’

Leave a Reply

Your email address will not be published.