Nepal Purbadhar

बुधबार, माघ १८, २०७९
Wednesday, February 1, 2023

बुधबार, माघ १८, २०७९
Wednesday, February 1, 2023
यातायात मजदुरले बुझाए उपप्रधानमन्त्री श्रेष्ठलाई ज्ञापनपत्र दुई पाङ्ग्रे सवारी चलाउदा पछाडि बस्नेलाई पनि हेल्मेट अनिवार्य गर्ने तयारी अर्थ मन्त्रालयद्वारा साढे १० अर्ब बचत हुने गरी खर्च कटौती गर्ने निर्णय राष्ट्रिय गौरवका आयोजनाको कारुणिक तस्वीरः ३५ वर्षमा पनि नबन्दा साढे १२ सय प्रतिशतसम्म लागत वृद्धि (विस्तृतमा कुन परियोजनाको कति लागत बढ्यो ?) एकिकृत यातायात पूर्वाधार विकाससम्बन्धी अन्तर्राष्ट्रिय सम्मेलन यही हप्ता काठमाडौमा भैरहवाबाट ढाका उडान सुरु गर्न बंगलादेशका राजदूतसामू आग्रह ४ महिनामा इङ्वाखोलाको विद्युत प्रसारण प्रणालीमा आउँदै यस वर्ष विश्व मुद्रास्फीति दर ६.६ प्रतिशत पुग्ने आइएमएफको प्रक्षेपण

बागमती र गण्डकी प्रदेशका सवारी साधनलाई अनिवार्य इम्बोस्ड नम्बर प्लेट


काठमाडौं । यातायात व्यवस्था विभागले बागमती र गण्डकी प्रदेशमा दर्ता भएका सवारी साधनलाई  इम्बोस्ड नम्बर प्लेट जडान अनिवार्य गरेकाे छ । शुक्रबार  सार्वजनिक सूचना जारी गरी इम्बोस्ड नम्बर प्लेट जडान अनिवार्य गरेकाे हाे ।

मन्त्रिपरिषद्को निर्णयअनुसार १ मंसिर २०७८ देखि नै प्रदेश १ र मधेश प्रदेशबाहेक सबैमा दर्ता भएका सवारी साधनमा इम्बोस्ड नम्बर प्लेट दर्ता गर्ने सूचना राजपत्रमा प्रकाशित गरिएको थियो । तर, तोकिएको समयभन्दा धेरै पछिसम्म पनि निर्णय कार्यान्वयनमा नआएपछि विभागले सार्वजनिक सूचना निकालेको हो ।

बागमती र गण्डकी प्रदेशमा दर्ता भएका सवारीहरुमा इम्बोस्ड नम्बर प्लेट जडान नगरेमा १ साउनदेखि कार्वाही गर्ने विभागले तयारी गरेको छ । ‘साउनदेखि ट्राफिक प्रहरीले सडक अनुगमन गर्ने र तोकिए अनुसार इम्बोस्ड प्लेट जडान नगरिएको पाइएमा सवारी तथा यातायात व्यवस्था ऐन २०४९ बमोजिम कारवाही गरिनेछ’ विभागले जारी गरेको सूचनामा उल्लेख छ ।

इम्बोस्ड नम्बर जडान गर्न तीन कार्यालय तोकिए

इम्बोस्ड प्लेट जडान गर्न बागमती प्रदेशअन्तर्गत यातायात व्यवस्था कार्यालय (साना ठूला सवारी), एकान्तकुना, ललितपुर र यातायात व्यवस्था कार्यालय (मोटरसाइकल), गुर्जुधारा, काठमाडौं तोकिएको छ । त्यस्तै, गण्डकी प्रदेशअन्तर्गत यातायात व्यवस्था कार्यालय (सवारी) पोखरा, कास्की तोकिएको छ ।

विभागले बागमती प्रदेशको एकान्तकुना ललितपुर र गुर्जुधारा काठमाडौं तथा गण्डकी प्रदेशको पोखरा–कास्कीमा रहेका यातायात व्यवस्था कार्यालयहरुमा आवश्यक पूर्वाधार समेत तयार भइसकेको जानकारी दिएको छ । तर, ती कार्यालयहरुमा दर्ता भएका सवारीहरुमा अहिलेसम्म पनि इम्बोस्ड नम्बर प्लेट जडान सम्बन्धी संघीय कानून बमोजिमको व्यवस्था तथा निर्णय कार्यान्वयन नभएको विभागले उल्लेख गरेको छ । यसले विभागको गम्भीर ध्यानाकर्षण भएको जानकारी सूचनामा उल्लेख छ ।

ती कार्यालयमा दर्ता भएका सबै सवारीहरुका सवारी धनीहरुलाई सार्वजनिक सूचना मार्फत जानकारी गराइएको हो । विभागले ऐन तथा नियममा भएको व्यवस्था बमोजिम सवारीमा अबिलम्ब इम्बोस्ड नम्बर प्लेट जडान गर्न भनिएको छ ।

यसअघि नै सरकारले नेपाल राजपत्रमा २२ कात्तिक २०७६ सूचना प्रकाशन प्रकाशित गरी नामाकरण भएका प्रदेशमा इम्बोस्ड नम्बर प्लेट जडान गर्ने मिति तोकेको थियो । राजपत्रअनुसार बागमती, गण्डकी, लुम्बिनी, कर्णाली र सूदुरपश्चिम प्रदेशमा नयाँ दर्ता हुने सवारी साधनलाई १ मंसिर २०७८ देखि नै इम्बोस्ड नम्बर प्लेट जडान गर्ने भनिएको थियो ।

त्यस्तै, १ फागुन २०७८ देखि सवारी नामसारी गर्दा र १ जेठ २०७९ देखि सवारी दर्ता प्रमाणपत्र नवीकरण गर्दा अनिवार्य इम्बोस्ड नम्बर प्लेट जडान गर्ने मन्त्रिपरिषद्को निर्णय राजपत्रमा प्रकाशित गरिएको थियो ।

इम्बोस्ड नम्बर जडान गर्नुपर्ने सवारी साधन

इम्बोस्ड नम्बर प्लेट जडान गर्नुपर्ने सवारी साधनमा सार्वजनिक सवारी, पर्यटन, निजी, सरकारी र संस्थानका सवारी साधन रहेका छन् । प्रदेश मातहतका यातायात व्यवस्था कार्यालयहरुमार्फत दर्ता भएका सबै सवारीहरुमा चरणबद्ध रुपमा इम्बोस्ड नम्बर प्लेट जडान अनिवार्य गर्ने उल्लेख थियो ।

सवारी तथा यातायात व्यवस्था ऐन २०४९ को अनुसूची २, भाग–२ सवारी तथा यातायात व्यवस्था नियमावली २०५४ को नियम ४ को उपनियम (४) मा इम्बोस्ड नम्बर प्लेट जडानसम्बन्धी प्रावधान छ ।


Read Previous

बन्चरेडाडाँमा वैज्ञानिक तरिकाले फोहोर व्यवस्थापनमा मन्त्रालय र महानगरबीच समन्वय गरिने

Read Next

चीनले साढे २ वर्षमा विद्युत जडित क्षमतामा नवीकरणीय ऊर्जाको हिस्सा ३३ प्रतिशत पुर्याउने

Leave a Reply

Your email address will not be published.