Nepal Purbadhar

बुधबार, मंसिर २१, २०७९
Wednesday, December 7, 2022

बुधबार, मंसिर २१, २०७९
Wednesday, December 7, 2022

‘फास्ट ट्र्याक’ मा विष्फोटक पदार्थको अभाव छैन: सेना


काठमाडौं । राष्ट्रिय गौरवको काठमाडौं–तराई मधेश दु्रत मार्ग (फास्ट ट्र्याक) आयोजना निर्माणमा विष्फोटक पदार्थको अभाव भएर काम रोकिएको भन्ने विषय हल्ला मात्र भएको सेनाले स्पष्ट गरेको छ ।

‘अहिले पनि आयोजनाको विभिन्न स्थानमा निर्माणको लागी विस्फोटक पदार्थको प्रयोग गरेर ‘ब्लास्टिङ’ गर्ने काम भइरहेको छ, अभावले काम रोकेको भन्नेचाँहि हाम्रो जानकारीमा छैन’ सेनाका सूचना अधिकारी नारायण सिलवालले भने ।

सुरुङमार्ग निर्माणको काम चिनीया निर्माण कम्पनीले गरिरहेका छन् । पछिल्लो समयमा भारतले नेपालमा अयोजना निर्माणको ठेक्का लिएका चिनीया कम्पनीलाई विष्फोटक पदार्थ उपलब्ध गराउन रोकेको निजी जलविद्युत आयोजना प्रवद्धकले बताएका थिए । उनीहरुले फास्ट ट्र्याकमा चिनीया कम्पनी संलग्न भएकाले त्यहाँ पनि विष्फोटक पदार्थ अभाव रहेको दाबी गरेका थिए ।

फास्ट ट्र्याक आयोजनाको व्यवस्थापन गरिरहेको नेपाली सेनाले भने विष्फोटक पदार्थ ल्याउने जिम्मा सेनाको नभइ ठेक्काको सर्त अनुसार निर्माण कम्पनीको भएका र अहिले सम्म विष्फोटक पदार्थ ल्याउनमा अवरोध भएको विषय जानकारीमा नभएको स्पष्ट पारेको छ ।

‘ठेक्काको सर्त अनुसार सेनाले निर्माण कम्पनीलाई विस्फोटक उपलब्ध गराउनु गराउनुपर्दैन, उनीहरुले नै व्यवस्थापन गर्ने भन्ने छ’ सिलवालले भने ।

उनले आयोजनामा संलग्न केही कम्पनीले भारतबाट विष्फोटक पदार्थ ल्याउनको लागी ‘नो अब्जेक्सन सर्टिफिकेट’ लगिसकेको र केही त्यो प्रक्रियामा बसिरहेको जानकारी दिए ।

सेनाले पनि विष्फोटक पदार्थको उत्पादन गरिरहेको छ । तर, निर्माण कम्पनीलाई भने सेनाले उत्पादन गरेकै विष्फोटक पदार्थ प्रयोग गर्नुपर्ने बाध्यता छैन् ।

फास्ट ट्र्याक निर्माण कम्पनीको हकमा चाहिँ उनिहरुले नै कताबाट ल्याउन उपयुक्त हुन्छ वा कति लागतमा ल्याउँदा उपयुक्त हुन्छ त्यो उनिहरुलाई नै भर पर्ने सेनाको भनाइ छ ।

आयोजनाको प्रारम्भदेखि गत असारसम्म भौतिक प्रगति २१.१८ प्रतिशत र वित्तीय प्रगति १९.५८ प्रतिशत भएको छ । यस अवधिमा यो आयोजनामा कुल ३४ अर्ब २९ करोड खर्च भइसेकेको छ ।


Read Previous

१०९ दिनभित्र सबै सरकारी गाडीमा ईम्बोस्ड नम्बर प्लेट अनिवार्य

Read Next

सिमेन्ट उद्योगका लागि एलसी ‘थ्री’ प्रविधि सस्तो र वातावरणमैत्रीः विज्ञ

Leave a Reply

Your email address will not be published.