नेपाल पूर्वाधार 
काठमाडौं । यातायात व्यवस्था विभागले देशभर सञ्चालन भएका सम्पूर्ण सरकारी सवारी साधनमा १०९ दिनभित्र अनिवार्य रुपमा इम्बोस्ड नम्बर प्लेट जडान गर्नुपर्ने निर्णय गरेको छ ।
भौतिक पूर्वाधार तथा यातायात मन्त्रालय अन्तर्गत यातायात व्यवस्था विभागले एक सूचना जारी गर्दै फाल्गुण (१०९ दिन) मसान्तभित्रै सबै सरकारी गाडीमा अनिवार्य ईम्बोस्ड नम्बर प्लेट जडान गर्ने निर्णय गरेको हो ।
मन्त्रालयले २८ कात्तिक २०७९ सम्पूर्ण सरकारी, संस्थान, संघ, प्रदेश र स्थानीय तहका सवारी साधनहरुमा अनिवार्य ईम्बोस्ड नम्बर प्लेट जडान गर्ने निर्णय गरेको हो ।
ईम्बोस्ड नम्बर प्लेट दर्ताका लागी अनलाइन आवेदन (www.dotm.gov.np) मा दिन सकिन्छ ।
विभागका अनुास र नजिकको यातायात व्यवस्था कार्यलयमा गई राजश्व तिरी नम्बर प्लेट जडान गर्न सकिन्छ ।
मन्त्रालयले काठमाडौं उपत्यकाको हकमा भने यातायात व्यवस्था कार्यालयमा गई राजश्व बुझाएपछि यातायात व्यवस्था विभागमा गई नम्बर प्लेट जडान गर्न सक्ने व्यवस्था गरेको छ ।
इम्बोस्ड नम्बर प्लेट जडानबाट सवारी साधनको चोरी, राजश्व छली र अपराधीकरण नियन्त्रण हुने बताउदै आएको छ ।
