नेपाल पूर्वाधार 
काठमाडौं । सार्वजनिक खरिद अनुगमन कार्यालयले सञ्चालनमा ल्याइएको विद्युतीय खरिद प्रणालीमा मंगलबार प्राविधिक समस्या भएको छ ।
यसको कारण प्रणाली प्रयोगकर्तालाई कठिनाइ भएको छ ।
सहज पहुँच हुन नसकेको हुँदा विद्युतीय खरिद प्रणाली सञ्चालन निर्देशिका, २०७४ को दफा ३१ को उपदफा १ को खण्ड (ग) बमोजिम सार्वजनिक खरिद अनुगमन कार्यालयको प्रणाली व्यवस्थापकले म्याद थप गरेका छन् ।
प्रणालीमार्फत मंगलबार अनलाईन दाखिला गर्ने अन्तिम म्याद भएका सम्पूर्ण बोलपत्र, आशयपत्र र सिलबन्दी दरभाउपत्रको म्याद थप गरिएको अनुगमन कार्यालयले जानकारी दिएको छ ।
कार्यालयले एक सूचना जारी गरी मंसिर ६ गते अन्तिम म्याद भएका बोलपत्र, आशयपत्र र सिलबन्दी दरभाउपत्रको म्याद मंसिर ७ गतेसम्म कायम गरिएको जानकारी दिएको छ ।
सार्वजनिक खरिद अनुगमन कार्यालयले प्राविधिक समस्या चाडै समाधान गरिने बताएको छ ।
