नेपाल पूर्वाधार 
सांकेतिक तस्बिर
काठमाडौं । भारतीय लगानी निर्माण हुने भनिएको ९०० मेगावाट जडित क्षमताको माथिल्लो कर्णालीमा नेपाली बैंकहरुले ४२ अर्ब रुपैयाँ लगानी गर्ने भएपछि निजी क्षेत्र चिन्तित बनेको छ ।
भारतीय कम्पनी जिएमआरले माघ २ गते लगानी बोर्डको कार्यालयमा फाइनान्सिल क्लोजरको कागजात पेस गरेको छ । जसमा नेपाली बैंकले ४२ अर्ब रुपैयाँ लगानी गर्ने उल्लेख छ । डेढ खर्ब रुपैयाँको यो आयोजनामा ६ वटा नेपाली बैकले लगानी गर्न लागेका हुन् । स्वतन्त्र ऊर्जा उत्पादकहरुको संस्था, नेपाल (इप्पान) का अध्यक्ष गणेश कार्की विदेशी लगानी हुने भनिएको परियोजनामा नेपाली बैंकले अर्बौं रुपैयाँ लगानी गर्दा स्वदेशी प्रवर्धकहरुले ऋण नै नपाउने अवस्था आउने बताउँछन् । ‘यसरी विदेशी परियोजनामा नेपाली बैंकले लगानी गर्न थाले भने बैंकहरुको ऊर्जामा लगानी गर्नुपर्ने सेक्टर लिमिट सकिन्छ,’ उनले भने, ‘धेरै नेपाली प्रवर्धकले फाइनान्सियल क्लोजर गर्न नसक्ने अवस्था आउँछ ।’
