नेपाल पूर्वाधार 
काठमाडौं । त्रिभुवन अन्तराष्ट्रिय विमानस्थल भन्सार कार्यालयले विदेशमा रहेका नेपाली नागरिकलाई इमर्जेन्सी लाइट, पावर बैंक, आइरन, हेयर ड्रायर, मिस्चर, पानी तान्ने मेसिन जस्ता विद्युतीय उपकरण नल्याउन आग्रह गरेको छ ।
भन्सार कार्यालयले सामाजिक सञ्जालमार्फत सूचना सार्वजनिक गरी यस्ता उपकरण एक्स–रे जाँचपासका क्रममा संकास्पद देखिने गरेको हुँदा विदेशबाट आफैँ आउँदा नल्याउन आग्रह गरेको हो । भन्सार कार्यालयले यी विद्युतीय उपकरणहरू कार्गोमार्फत पनि आफ्नो परिवारका सदस्यलाई नेपालमा नपठाउन भनेको छ ।
‘विदेशबाट फर्कने नेपाली नागरिकले ल्याएका यस्ता विद्युतीय उपकरण जाँचपास गर्ने क्रममा संस्कास्पद देखिने गरेको छन् । प्याकिङ खोलेर चेकजाँच गर्नुपर्ने हुँदा सेवाग्राहीलाई मर्का पर्न जान्छ’, भन्सार कार्यालयको सूचनामा भनिएको छ ।
विमानस्थल भन्सार कार्यालयले विदेशबाट पठाइने यस्ता विद्युतीय उपकरण चाँचपासका क्रममा खोलेर हेर्ने हुँदा नागरिकको तीव्र असन्तुष्टी बढ्ने गरेको थियो । नागरिकबाट गुनासो आएपछि भन्सार कार्यालयले यस प्रकारका विद्युतीय उपकरण नल्याउन तथा कार्गो गरेर नपठाउन भन्सार कार्यालयले औपचारिकरूपमै आग्रह गरेको हो ।
