तामाकोसीको जलाशय र सेटलिङ बेसिन सफाईको तालिका स्थगित

काठमाडौं । दोलखाको विगु गाउँपालिका–१ गोंगर स्थित ४५६ मेगावाटको माथिल्लो तामाकोसी जलविद्युत केन्द्रको जलाशय र सेटलिङ बेसिनको सरसफाई गर्ने कार्यक्रम स्थगित भएको छ । यसअघि तय भएको जलाशय र सेटलिङ बेसिनको सरसफाई गर्ने कार्यक्रम तत्काल नहुने भएको हो ।

आइतबार (भोलि) बिहान ६ देखि अपरान्ह ४ बजेसम्मका लागि तय भएको सरसफाई गर्ने तालिका स्थगित भएको जलविद्युत केन्द्रले शुक्रबार सूचना जारी गरी जानकारी दिएको छ । अहिलेलाई विशेष कारणले आइतबारका लागि तयर भएको तालिका अर्को सूचना जारी नहुँदासम्मका लागि स्थगित गरिएको सूचनामा भनिएको छ ।

माथिल्लो तामाकोसी जलविद्युत केन्द्रले जारी गरेको सूचना