नेपाल पूर्वाधार 
काठमाडौं । सरकारले काठमाडौंमा भाडामा बस्ने विद्यार्थीलाई निशुल्क विद्युतीय चुलो वितरण गर्न आवेदन माग गरेको छ । वैकल्पिक ऊर्जा प्रवद्र्धन केन्द्रले लोपोन्मुख, आदिवासी जनजाति तथा दलित वर्गका विद्यार्थीको लागि सूचना जारी गरी आवेदन खुला गरेको हो ।
काठमाडौँ बाहिरवाट उपत्यका आएर स्नातक र स्नातकोत्तर तहमा अध्ययन गर्ने तोकिएका वर्गका विद्यार्थीले आवेदन भर्न सक्नेछन् । सरकारी र सामुदायिक शिक्षण संस्थामा अध्ययनरतले यो सुविधा पाउनेछन् । एलपी ग्यासको बढ्दो मूल्यको समस्यामा राहत पु¥याउन विद्युतीय चुलो उपलब्ध गराउन लागेको हो ।
यसले विद्युतीय चुलो प्रवद्धन गर्नका लागि सहयोग पुग्ने केन्द्रको भनाइ छ । इच्छुक विद्यार्थीले ९ असार २०७९ भित्रमा आवेदन दिइसक्नुपर्नेछ । त्यसका लागि अनिवार्य रुपमा अनलाइन फाराम भरी इमेलमा आएको टोकन नम्बर निवेदनमा समावेश गरी केन्द्रमा बुझाउनुपर्नेछ
आवेदन भर्नको लागि तीन वटा काजगपत्र पेस गर्नुपर्नेछ । पहिलो नेपाली नागरिकताको प्रमाण पत्रको प्रतिलिपि, दोस्रो, शिक्षण संस्थाको सिफारिस र विद्यार्थी परिचयपत्र प्रतिलिपि र तेस्रो लोपोन्मुख आदिवासी जनजाति तथा दलित वर्ग खुन्ने परिचयपत्र प्रतिलिपि सिफारिस पेस गर्नुपर्नेछ । । अनलाइन फाराम मात्र भनेका विद्यार्थीको आवेदन स्वतः रद्द हुने व्यवस्था गरिएको छ ।
