Nepal Purbadhar

शुक्रबार, मंसिर २३, २०७९
Friday, December 9, 2022

शुक्रबार, मंसिर २३, २०७९
Friday, December 9, 2022

निफ्राको ५ अर्ब रुपैयाँ बराबरको ऋणपत्र आउँदै


काठमाडौं । नेपाल इन्फ्रास्ट्रक्चर बैंक लिमिटेड (निफ्रा) ले ऋणपत्र जारी गर्ने भएको छ । निफ्राले नेपाल धितोपत्र बोर्डबाट स्वीकृति पाएसँगै ५ अर्ब रुपैयाँ बराबरको ऋणपत्र जारी गर्ने तयारी गरिरहेको हो ।

निफ्राले ऋणपत्र जारी गर्न बोर्डमा गत असार १ गते गरेको प्रस्ताव गत कात्तिक २४ गते स्वीकृति भइसकेको छ । बोर्डले स्वीकृति दिइसकेकाले अब बाँकी प्रक्रिया पूरा गरेर ऋणपत्र जारी गरिने निफ्राले जनाएको छ ।

निफ्राका अनुसार प्रतिकित्ता १ हजार रुपैयाँ दरमा ५० लाख कित्ता ऋणपत्र जारी गरिनेछ । ऋणपत्र खरिद गर्न सर्वसाधारणले आवेदन दिन सक्नेछन् । ऋणपत्र जारी गरी संकलन भएकाे पुँजी पूर्वाधार परियाेजनामा लगानी गर्ने याेजना छ ।

यो वर्ष जारी हुने ऋणपत्र ७ वर्षपछि परिपक्क हुनेछ । ‘७ वर्ष, ७ प्रतिशत निफ्रा ऊर्जा ऋणपत्र २०८५/८६’ नाम दिई ऋणपत्र निष्कासन गरिनेछ । ऋणपत्र खरिदकर्ताले ७ वर्षसम्म वार्षिक ७ प्रतिशत ब्याज पाउनेछन् ।

निफ्राले जारी गर्ने कूल ऋणपत्रमध्ये २ अर्ब रुपैयाँ बराबरको २० लाख कित्ता सर्वसाधारणका लागि जारी हुनेछ । बाँकी ३ अर्ब रुपैयाँ बराबरको ३० लाख कित्ता ऋणपत्र निफ्राले व्यक्तिगत तरिकाबाट बिक्री वितरण गरिनेछ । ऋणपत्र निष्कासन गर्न एनआइबीएल एस क्यापिटललाई बिक्री प्रबन्धक तोकिएको छ ।

निफ्राले जलविद्युत सहित पूर्वाधार क्षेत्रको विकासमा लगानी गर्दै आइरहेको छ । निफ्राले अहिलेसम्म पूर्वाधार क्षेत्रका विभिन्न परियोजनामा ३४ अर्ब १९ करोड रुपैयाँ बढीको ऋण स्वीकृत गरेको छ । कूल लगानी मध्ये १ दर्जन जलविद्युत आयोजनामा १८ अर्ब रुपैयाँ ऋण लगानीको प्रतिबद्धता जनाई ऋण प्रवाह गरिरहेको छ ।


Read Previous

निर्माण व्यवसायीहरुको अन्तर्राष्ट्रिय संगठनको अध्यक्षमा नेपालका सिंह र महासचिवमा पाण्डे

Read Next

मंसिरभित्रै माथिल्लो सोलुको विद्युत राष्ट्रिय प्रणालीमा जोडिँदै

Leave a Reply

Your email address will not be published.