नेपाल पूर्वाधार 
काठमाडौं । पछिल्लो ४ महिनामा १ लाख ३७ हजार पर्यटकले नेपाल भ्रमण गरेका छन् । पर्यटन बोर्डका अनुसार सन् २०२२ को पछिल्लो ४ महिनामा १ लाख ३७ हजार पर्यटकले नेपाल भ्रमण गरेका हुन । योसँगै नेपालमा पर्यटक आगमन दरमा सुधार हुँर्दै गएको तथ्याङकले देखाएको छ ।
सन् २०२२ को पहिलो महिना जनवरीमा करिब १७ हजार, दोश्रो महिना २० हजार, तेस्रो महिना ४२ हजार, चौथो महिना ५८ हजार २ सय ४८ पर्यटक नेपाल आएका थिए । सन् २०२० को अन्त्यमा फैलिएको कोभिड–१९ कारण पछिल्लो समय पर्यटक आगमनमा सुस्ताएको थियो । गत वर्ष सोही अवधिमा २२ हजार ४ सय ५० मात्र पर्यटक नेपाल भित्रिएका थिए ।
सवैभन्दा धेरै पर्यटक भारतबाट २२ हजार ४ सय ७७, दोश्रोमा अमेरिकाबाट ६ हजार ९ सय ५४, तेश्रोमा बेलायतबाट, ५ हजार २ सय ५२ जना चौथोमा, अष्ट्रेलियाबाट २ हजार ७ सय २६ जना, जर्मनीबाट, २ हजार ९७ जना, फ्रान्सबाट १ हजार ९ सय २२, बंगलादेशबाट १ हजार ५ सय ३७ जनाले नेपाल भ्रमण गरेको नेपाल पर्यटन बोर्डले जनाएको छ ।
