Nepal Purbadhar

सोमवार, अशोज १७, २०७९
Monday, October 3, 2022

सोमवार, अशोज १७, २०७९
Monday, October 3, 2022

‘पूर्वाधारबारे सञ्चारमाध्यमले स्पष्ट र यथार्थ जानकारी दिन सक्नुपर्छ’


काठमाडौं । ऊर्जा जलस्रोत तथा सिँचाइ मन्त्रायलका सचिव देवेन्द्र कार्कीले नेपालमा पूर्वाधारका ठूला आयोजना निर्माण गर्न डराउने अवस्था रहेको बताएका छन् । आइतबारदेखि सञ्चालनमा आएको नेपाल पूर्वाधार डटकम र नेपाल इन्फ्रास्ट्रक्चर डटकमको औपचारिक शुभारम्भ कार्यक्रममा उनले पूर्वाधार निर्माणमा भन्दा भाड्नमा उद्त रहेको र त्यसो गर्नको लागि पत्रकारदेखि नागरिक समाज र कर्मचारीतन्त्रदेखि राजनीतिक नेतृत्वसम्म जिम्मेवार रहेको बताए ।

एमसीसीदेखि फास्ट ट्र्याक र जलाशययुक्त आयोजना समेतमा स्पष्ट र यथार्थ विषय समयमा नै बुझाउन नसक्दा समस्या आएको उनको भनाइ छ । पूर्वाधार बनाउँदा केही न केही क्षति हुने भए पनि त्यसलाई न्यूनीकरण गर्न सकिने र सकारात्मक विषय वाहिर ल्याउन सकिनेमा उनले जोड दिए । ‘अहिले विज्ञ नबोल्दा पनि समस्या आएको र प्राविधिक तथा आर्थिक सामाजिक पाटोलाई केलाएर मात्र बोल्ने हो भने पनि धेरै सुधार ल्याउन सकिनेछ’ उनले भने । यस विषयलाई जनमानसमा ल्याउन र प्रभावकारी रुपमा बुझाउन मिडियाले ठूलो भूमिका खेल्न सक्नेछ ।

कार्यक्रममा सञ्चार तथा सूचना प्रविधि मन्त्रालयका सचिव डा. बैकुण्ठ अर्यालले सनसनीखेज समाचारको बोलवाला भएको बेला पूर्वाधार जस्तो क्षेत्रलाई केन्द्रित बनाएर अनलाइन चलाउन खोज्नु प्रशंसनीय विषय भएको उल्लेख गरे । ‘अनलाइन पूर्वाधार क्षेत्र र अन्य विषयसँग जोडिएकाको लागि पनि यो जानकारीमूलक र जान्नुपर्ने विषय समेटिएको पाँए’ उनले भने ।

‘स्कुप’ बनाउने नाममा हत्तपत्त सूचना सम्प्रेषण गर्ने र त्यसले जनमानसमा भ्रम छर्ने कमजोरी पत्रकारिता क्षेत्रमा रहेको उनको भनाइ छ । एकपटक प्रशारण गरेपछि पुन जतिपटक सुधार गर्न खोजेपनि कठिन हुने गरेको र यस्ता गल्ती गर्नबाट नेपाल पूर्वाधार डटकम जोगिने अपेक्षा गरेको बताए ।

पूर्वाधार क्षेत्रमा अध्ययन गरेर सूचना सम्प्रेषण गर्दा सही सूचना प्रवाह हुने र नीतिनिर्माण तहमा पनि सुधार ल्याउन सकिने सचिव डा. अर्यालको भनाइ छ ।

भौतिक पूर्वाधार तथा यातायात मन्त्रालयका सचिव रविन्द्रनाथ श्रेष्ठले पूर्वाधार क्षेत्रमा अहिले आम जनमानसमा पनि भ्रम रहेको उल्लेख गरे । त्यस्ता भ्रमलाई चिर्ने र आम जनतालाई यथार्थ विषय बुझाउनेतर्फ नेपाल पूर्वाधार डटकम अग्रसर हुने आशा रहेको बताए ।

‘सबैभन्दा महत्वपूर्ण विषय भनेको कुनै पनि मिडियाले भ्रम नछरौ । प्रशंसा चाहिएन, तर, जे भएको हो त्यही कुरो बाहिर आइदियो भने त्यो मुलुककै लागि पनि राम्रो हुन्छ’ उनले भने । त्यसरी सञ्चार गर्ने सञ्चार माध्यमको पनि विश्वसनीयता बढ्ने उनको भनाइ छ । अहिले धेरै विषय राजनीति केन्द्रित भएकाले पनि पूर्वाधारसम्बन्धी विषयलाई यस पोर्टलले समेट्ने उल्लेख गरे ।

शुभारम्भ कार्यक्रमका केही फोटाहरु


Read Previous

समुन्नतिका लागि नेपाल पूर्वाधार

Read Next

पछिल्ला ४ महिनामा १ लाख ३७ हजार पर्यटकले गरे नेपाल भ्रमण

Leave a Reply

Your email address will not be published.