Nepal Purbadhar

सोमवार, माघ १६, २०७९
Monday, January 30, 2023

सोमवार, माघ १६, २०७९
Monday, January 30, 2023

हरित, जलवायु लचक र समावेशी विकासको लागि विश्व बैंकको १० करोड डलर सहयोग


काठमाडौं । विश्व बैंकको सञ्चालक समिति (कार्यकारी निर्देशक बोर्ड) ले नेपालको हरित, जलवायु लचक र समावेशी विकासका लागि १० करोड अमेरिकी डलर सहयोग गर्ने भएको छ । बैंकले उल्लेखित तीन वटा क्षेत्रको लागि पहिलो श्रृखलाअन्तर्गत विकास नीति ऋण सहयोग गर्ने भएको हो ।

‘कोभिड १९ महामारीको विस्तार भइरहेको अवस्थामा, विश्व बैंकले नेपाल सरकारलाई महत्वपूर्ण सहयोग पुग्ने गरी यो कार्यक्रम केन्द्रित गरेको छ । यसले सरकारलाई अझ बढी हरित, बढी समावेशी र लचिलो विकासको मार्गमा अघि बढ्न सहयोग पुग्नेछ’ माल्दिभ्स, नेपाल र श्रीलंकाका लागि विश्व बैंकका राष्ट्रिय निर्देशक फारिस हदाद–जर्भोसले भने । यस कार्यक्रमले पानी, भुमि उपयोग, कृषि, वन, सहरी विकास, फोहोरमैला व्यवस्थापन र प्रदुषणको क्षेत्रमा सहयोग पुग्ने विश्व बैंकको विश्वास छ ।

यस सहयोगले नेपालको हरित, जलवायु लचक र समावेशी विकासको क्षेत्रलाई सहयोग पुग्नेछ । यसमार्फत प्राकृतिक पुँजीको दीर्घकालीन र उत्पादनमूलक प्रयोग हुनेछ । त्यस्तै, सहरी र ग्रामीण पूर्वाधार, मानव पुँजी र जनजीविकादेखि जलवायुसम्म समेटेको छ । यसले वातावरणीय जोखिम घटाउन र सफा वातावरणमा हुने उत्पादन, खपत र आवातजावतको लागि सहयोग पुग्नेछ ।

यो सहयोगले समावेशी र विकास सम्बन्धी निर्णय लिने क्षमतालाई अझ बढी तर्कशील बनाउनुको साथै सुधार गर्न सहयोगी हुनेछ । त्यस्तै, निजी लगानीलाई प्रोत्साहित गर्न र हरित अर्थतन्त्रमा आधारित काम र जीवन निर्वाह गर्न सहयोग पुग्नेछ । उदाहरणको लागि सामुदायिक वन, कृषि, सफा हावा र फोहोर व्यवस्थापनमा यस्ता संभावना खुल्नेछन् ।

नेपालले हरित, जलवायु लचक र समावेशी विकासतर्फ अघि बढ्नु भनेको यो चुनौतिपूर्ण अवस्थामा लिइएको रणनीतिक र पूर्ण अवसरको बाटो पनि हो । यो कदमले नेपाललाई अझ बढी प्रगति गर्नको लागि सहयोग गर्नेछ । साथै गरिबी घटाउन सहयोग पुग्ने माल्दिभ्स, नेपाल र श्रीलंकाका लागि विश्व बैंकका दीगो विकास क्षेत्रका नेता तथा यस सहयोग कार्यक्रमका टीम लिडर स्टिभ डान्योले बताए ।


Read Previous

पूर्वाधार आयोजनाको काम अधुरो छोड्ने क्रम बढ्दै

Read Next

जलविद्युत र सौर्य ऊर्जापछि अपि पावरको लगानी अब हरित हाइड्रोजन तथा एमोनिया उत्पादनमा

Leave a Reply

Your email address will not be published.