Nepal Purbadhar

अरुण भ्याली हाइड्रोपावरको नाफा घट्यो, पहिलो त्रैमासमा २ करोड ९७ लाख कमाइ


काठमाडौं। अरुण भ्याली हाइड्रोपावर डेभलपमेन्ट कम्पनीले चालु आर्थिक वर्ष २०८३/८४ को पहिलो त्रैमासमा २ करोड ९७ लाख १३ हजार रुपैयाँ खुद नाफा कमाएको छ। यो गत आर्थिक वर्षको सोही अवधिको ४ करोड ५३ लाख २३ हजार रुपैयाँको तुलनामा कम हो।

कम्पनीको अपरिष्कृत वित्तीय विवरणअनुसार समीक्षा अवधिमा सञ्चालन आम्दानी पनि घटेर ७ करोड २२ लाख १९ हजार रुपैयाँमा सीमित भएको छ। गत वर्ष यस्तो आम्दानी ८ करोड ७५ लाख २ हजार रुपैयाँ थियो। कुल नाफा पनि ७ करोड ६६ लाख ७३ हजारबाट घटेर ५ करोड १९ लाख ९२ हजार रुपैयाँमा झरेको छ।

असोज मसान्तसम्म कम्पनीको कुल सम्पत्ति ४ अर्ब ७१ करोड ७९ लाख रुपैयाँ पुगेको छ। कम्पनीको चुक्ता पुँजी ४ अर्ब ४ करोड ४ लाख रुपैयाँ रहेको छ।

कम्पनीको प्रतिशेयर आम्दानी २ रुपैयाँ ९४ पैसा, प्रतिशेयर नेटवर्थ ११० रुपैयाँ २८ पैसा र मूल्य आम्दानी अनुपात ५८.५१ गुणा रहेको छ।


Read Previous

म्याग्दीको बैसरी-रिसिनचौतारी सडक स्तरोन्नति सुरु, ३ करोड ३५ लाख खर्च गरिँदै

Read Next

माउन्टेन हाइड्रो नेपालको नाफा बढेर ११ करोड १६ लाख पुग्यो

Leave a Reply

Your email address will not be published. Required fields are marked *

Nepal Purbadhar