Nepal Purbadhar

सोमवार, असार ४, २०८१
Monday, June 17, 2024

सोमवार, असार ४, २०८१
Monday, June 17, 2024
नदी धमिलिन थालेपछि मेलम्चीकाे पानी वितरण बन्द गर्ने तयारी  धाप्लाङघाटमा निर्माणाधीन पक्की पुलको पिल्लर बांगियाे    ढुवानी हडतालले पेट्रोलपम्पमा सवारी साधनको लाइन,चालकलाई छलफलका लागि बोलाइयो    विश्व बैंकको नेपाल निर्देशकमा डेभिड सिस्लेन नियुक्त उत्कृष्ट पर्यटकिय गन्तव्य स्थल ‘खुम्बु क्षेत्र’ मा थप पूर्वाधार विस्तार गरिँदै    पूर्वाधार क्षेत्रमा हुने बेरुजु न्यूनीकरणको लागि कानूनी स्पष्टता आवश्यक मुस्ताङको लोमान्थानमा पश्मिना डिडस्टिङ प्लान्ट स्थापना, पश्मिना गुणस्तरमा उल्लेख्य योगदान पुग्ने बेनी-जोमसोम-कोरला सडकको तिप्ल्याङ खण्ड स्तरोन्नति हुँदै

तामाकोसीको विद्युतगृह १० घन्टा बन्द हुने, जलाशय र सेटिलिङ बेसिनकाे फ्लसिङ गरिने


काठमाडौं । दोलखा जिल्लाको विगु गाउँपालिका-१ को गोंगरमा सञ्चालित देशकै ठूलो ४५६ मेगावाटको माथिल्लो तामाकोसी जलविद्युत केन्द्रको विद्युत उत्पादन १० घन्टाका लागि बन्द गरिने भएको छ । जलविद्युत केन्द्रको जलाशय र सेटलिङ बेसिङ (बालुवा थिग्राउने पोखरी) को फ्लसिङ गर्न आगामी आइबार (असार ५ गते) विद्युत उत्पादन बन्द हुने भएको हो ।

जलाशय र सेटलिङ बेसिमा जम्मा भएको बालुवा, पानीमा बगेर आएका काठका टुक्रालगायत फोहोरको फ्लसिङ गरेर सफाई गर्ने अवधिभर जलविद्युत केन्द्रको विद्युतगृह बन्द हुनेछ । आइतबार बिहान ६ बजेदेखि अपरान्ह ४ बजेसम्म संरचनाको फ्लसिङ कार्य गरिने जलविद्युत केन्द्रले शुक्रबार सूचना सार्वजनिक गरी जानकारी गराएको छ ।

जलविद्युत केन्द्रका अनुसार फ्लसिङ अवधिभर तामाकोसी नदीको तल्लो तटीय क्षेत्रमा पर्ने गोंगर, जगत, टुनीटार, जामुने, भोर्ले, सिंगटी, नयाँ पुल, किर्ने, खिम्तीसहित सुनकोसी नदी दोभानसम्म पानीको सहत बढ्ने छ । ‘जलाशय र सेटलिङ बेसिनको फ्लसिङ अवधिभर विद्युत उत्पादन बन्द हुने हुँदा तामाकोसी नदीको तल्लो तटिय क्षेत्रमा पानीको सतह क्रमश बढ्दै जानेछ,’ सूचनामा भनिएको छ,‘त्यसकारण यो अवधिभर नदीमा माछा मार्ने, नुहाउने, पौडी खेल्ने, लुगा धुने, वस्तुभाउ नुहाउन लैजाने कार्य नगर्न अनुरोध गरिन्छ ।’

जलविद्युत केन्द्रले यो अवधिमा नदीबाट गिटीबालुवा निकाल्ने कार्य नगर्न तथा मृत्यु भएका व्यक्तिको दाहसंस्कार एवं अरु कुनै धार्मिक संस्कार गर्नु परेको अवस्थामा पनि सावधानी अपनाउन आग्रह गरेको छ । फ्लसिङ कार्य सकिएपछि पुनः तामाकोसीको पानी उपयोग हुन थालेपछि नदीमा पानीको सतह कम हुँदै जाने पनि सूचनामा जनाइएको छ ।

माथिल्लाे तामाकाेसीले सार्वजनिक गरेकाे सूचना


Read Previous

शनिवारदेखि दुई दिने ‘ह्वावे डिजिटल नेपाल कन्क्लेभ’ हुँदै, १० सत्रमा ५ देशका ६० बक्ता सहभागी हुने

Read Next

नेपाल उद्योग परिसंघ र ऊर्जा दक्ष केन्द्रबीच ऊर्जा सहकार्य गर्ने समझदारी

Leave a Reply

Your email address will not be published.