Nepal Purbadhar

शनिबार, असार ८, २०८१
Saturday, June 22, 2024

शनिबार, असार ८, २०८१
Saturday, June 22, 2024

तीन वर्षका लागि ५९ खर्ब बजेट आवश्यक, प्रति व्यक्ति आय १९०५ डलर पुग्ने (आगामी वर्षको सबै कार्यक्रमसहित विस्तृतमा)


काठमाडौ । राष्ट्रिय योजना आयोगले आगामी तीन वर्षको लागि ५९ खर्ब १६ अर्ब ८३ करोड बजेट आवश्यक रहेको अनुमान सार्वजनिक गरेको छ ।
आर्थिक बर्ष २०७९/०८० देखि २०८१/०८२ सम्मको मध्यकालीन खर्च संरचनामा  प्रतिवेदनमार्फत आयोगले सो सार्वजनिक गरेको हो ।

आगामी बर्षका लागि १७ खर्ब ९३ अर्ब ८३ करोडको बजेट प्रस्तुत गरिसकिएको छ । यसैगरी २०८०/०८१ मा १९ खर्ब ३१ अर्ब तथा २०८१/०८२ मा २१ खर्ब ९२ अर्ब पुग्ने अनुमान प्रतिवेदन गरिएको छ ।

सार्वजनिक प्रतिवेदन अनुसार, चालु बर्षमा १३८१ डलर, आगामी बर्ष १५३६, आर्थिक बर्ष २०८०/०८१ मा १७१४ डलर र २०८१/०८२ मा १९०५ डलर पुर्याउने लक्ष्य राखिएको छ ।

यसैगरी आगामी बर्ष ७.६ प्रतिशतको आर्थिक वृद्धिदर लक्ष्य राखिएको सो प्रतिवेदनमा २०८०/०८१ मा र २०८१/०८२ मा ८/८ प्रतिशत हासिल हुने उल्लेख छ ।
प्रतिवेदनमा आगामी तीन वर्षभित्र चालु वर्षमा रहेको गरिबीको जनसंख्या १८.७ प्रतिशतबाट ९ प्रतिशतमा झार्ने लक्ष्य राखिएको छ ।

आयोगले मध्यकालीन खर्च संरचनाको प्रतिवेदनसँगै आगामी आर्थिक बर्ष २०७९/०८० को बार्षिक विकास कार्यक्रम पनि सार्वजनिक गरेको छ । जसमा आगामी बर्ष सञ्चालन हुने नयाँ र पुराना कार्यक्रम तथा यसको बजेटसहित विस्तृत रुपमा उल्लेख छ ।

आगामी वर्षको सबै कार्यक्रमसहित विस्तृतमाः मध्यमकालीन खर्च संरचना २०७९–८० देखि २०८१–८२


Read Previous

माथिल्लो कर्णालीको वित्तीय व्यवस्थापनका लागि दुई वर्ष थप, पश्चिम सेतीमा वार्ता अघि बढाइने

Read Next

कम्पनीमार्फत स्वदेशी लगानीमा बूढीगण्डकी बनाउँदै सरकार

Leave a Reply

Your email address will not be published.