नेपाल पूर्वाधार 
काठमाडौं । नेपाल टेलिकमले फिफा विश्वकप २०२६ लक्षित गर्दै आफ्ना आईपीटीभी ग्राहकका लागि विशेष ‘टिभी प्याकेज’ सार्वजनिक गरेको छ। यस प्याकेजमार्फत ग्राहकले विश्वकपका सम्पूर्ण खेलहरूको प्रत्यक्ष प्रसारण हेर्न सक्ने सुविधा पाउनेछन्।
कम्पनीका अनुसार आईपीटीभी ग्राहकहरूले ९९९ रुपैयाँमा यो विशेष प्याकेज खरिद गर्न सक्नेछन्। प्याकेज खरिदपछि विश्वकपका सबै खेलहरूको लाइभ प्रसारण हेर्न सकिने व्यवस्था मिलाइएको छ।
एनटीटीभी (एनटीटीभी) ग्राहकहरूले आफ्नो टेलिभिजन सेट–टप बक्समार्फत हिमालय स्पोर्ट्स च्यानल चयन गरेपछि स्क्रिनमा देखिने छुट्टै इन्ट्री प्रक्रियाबाट सेवा सक्रिय गर्न सक्नेछन्। प्रयोगकर्ताले प्रिपेड वा पोस्टपेड मोबाइल नम्बर दर्ता गरेपछि ओटीपी (ओटीपी) प्राप्त हुनेछ, जुन टिभी स्क्रिनमा इन्टर गरेपछि प्याकेज सक्रिय हुने व्यवस्था गरिएको छ।
त्यस्तै, आईपीटीभी सेवा लिन ग्राहकले आफ्नो मोबाइलबाट *१४१६# डायल गरी प्याकेज सम्बन्धी जानकारी तथा सेवा सक्रिय गर्न सक्नेछन्।
नेपाल टेलिकमका अनुसार यो सुविधा लिन ग्राहकसँग कम्तीमा १०० एमबीपीएस वा सोभन्दा बढी स्पीडको इन्टरनेट तथा प्रिमियम आईपीटीभी प्याकेज सक्रिय हुनुपर्नेछ। हाल १०० एमबीपीएसभन्दा कम प्याकेज प्रयोग गरिरहेका ग्राहकले सेवा अपग्रेड गर्नुपर्ने वा नयाँ प्रिमियम प्याकेजमा जानुपर्ने व्यवस्था गरिएको छ।
कम्पनीले विश्वकपजस्तो अन्तर्राष्ट्रिय खेल प्रतियोगितालाई लक्षित गर्दै ग्राहकलाई सहज र उच्च गुणस्तरीय डिजिटल प्रसारण उपलब्ध गराउने उद्देश्यले यो सेवा ल्याइएको जनाएको छ।
थप जानकारीका लागि नेपाल टेलिकमको आधिकारिक सेवा केन्द्र, वेबसाइट वा ग्राहक सेवा माध्यममार्फत सम्पर्क गर्न सकिने कम्पनीले जनाएको छ।
