काठमाडौं । विद्युत नियमन आयोगले नेपाल विद्युत प्राधिकरणलाई पत्र लेख्दै बक्यौता नतिर्ने उद्योगमा लाइन नकाट्न निर्देशन दिएको छ ।
शुक्रबार आयोगले पत्र लेख्दै यस्तो निर्देशन दिएको हो । विभिन्न दबाबमूलक कार्यहरु गर्दा समेत बक्यौता तिर्न नआएको भन्दै प्राधिकरणले नियमन आयोगसँग सहमति मागेर लाइन काट्न खोजेको थियो । तर आयोगले सहमति नदिएपछि बक्यौता नतिर्ने उद्योगमा तत्काल लाइन नकाटिने भएको छ ।
शुक्रबार नियमन आयोगले लेखेको पत्रमा अर्को निर्देशन नभएसम्म लाइन नकाट्न र बक्यौता उठाउन भनिएको छ ।
