नेपाल पूर्वाधार 
मुम्बई । भारतीय अर्बपति व्यापारी गौतम अदानीको पोपर्टी डेभलपर कम्पनीले मुम्बईको सुकुम्बासी बस्तीको पुनःनिर्माणका लागि ज्वाइन्ट भेञ्चर कम्पनी खोलेको छ । एशियाको सबैभन्दा ठूलो भनिएको सो बस्तीको पुनःनिर्माणको योजना कानूनी विवादमा फसेको छ । अदानी गु्रपले धारावी पुनः विकास परियोजना कम्प्नी प्रा. लि. खोलेको छ ।
यसबारे समूहल थप विवरण भने दिएको छैन । १० लाख हाराहारीमा मानिसहरु बस्ने धारावीको पुनःविकास योजना विविध कारणहरुले गर्दा दशकौंदेखि अलपत्र छ । ज्वाइन्ट भेञ्चर कम्पनी खडा गर्नुलाई परियोजना अगाडि बढाउन महत्पूर्ण चरणको रुपमा हेरिएको छ । सो परियोजनामा अदानीले दुबईस्थित सेकलिंक टेक्लोजिज कर्पोरेशनबाट कानूनी चुनौतीको सामना गरिरहेका छन् । सन् २०१८ को बोलकबोल प्रक्रियालाई अनुभित रुपमा रद्द गरेर अदानीलाई जिताउने गरी बोलकबोल शुरु गरिएको भन्दै सेकलिंकले महाराष्ट्र राज्यमाथि मुद्दा हालेको छ ।
कम्पनीमा सीईओको नियुक्तिपछि अदानी समूहले धारावीको विकासको गुरुयोजना पेश गर्नेछ । यसमा पूर्वाधार, पुनर्बास र सार्वजनिक सुविधाहरुको विस्तृत विवरणहरु हुनेछ । जुलाईमा धारावीको झुपडबस्ती ६१ करोड डलरमा बनाउन अदानी समूहले पेश गरेको बोलकबोललाई छानिएको थियो । अदानी समूह आफैं हाई–प्रोफाइल स्क्यान्डलमा फसेको बेलामा समूहले समयमै सुकुम्बासी बस्ती पुनःनिर्माण गरेर भ्याउला भन्ने प्रश्न पनि यतिखेर उब्जिएको छ । एजेन्सी
