Nepal Purbadhar

शनिबार, साउन ५, २०८१
Saturday, July 20, 2024

शनिबार, साउन ५, २०८१
Saturday, July 20, 2024

उद्योग बाणिज्य महासंघको पुँजी बजार फोरम सभापतिमा गुरागाईं


काठमाडौं । जलविद्युत प्रवर्द्धक शैलेन्द्र गुरागाईं नेपाल उद्योग बाणिज्य महासंघको पुँजी बजार फोरमको सभापतिमा मनोनयन भएका छन् । महासंघले कार्यकारिणीय सदस्य समेत रहेका गुरागाईंलाई पुँजी बजार फोरमको सभापतिमा मनोनयन गरेको हो ।

महासंघको गत बैशाख ३ गतेको पहिलो कार्यकारिणी समितिको बैठकले गरेको निर्णय बमोजिम अध्यक्ष चन्द्रप्रसाद ढकालले उनलाई पुँजी बजार फोरमको सभापतिमा मनोनयन गरेका हुन् । ढकालले बुधबार गुरागाईंलाई पुँजी बजार फोरम सभापतिमा मनोनयन गरेको पत्र दिएका छन् ।

गुरागाईंलाई मनोनयन गर्दै ढकालले उनको सभापतित्वमा गठित पुँजी बजार फोरमले जिम्मेवारीपूर्वक काम गर्नेमा विस्वस्त रहेको बताए । ढकालले गुरागाईंले नेतृत्व गरेको फोरमले गर्ने कार्यको अर्धवार्षिक रूपमा पुनरावलोकन गर्ने पनि उनले बताए ।

गुरागाईं महासंघको हालै सम्पन्न महाधिवेशनबाट कार्यकारिणी समितिको सदस्यमा निर्वाचित भएका थिए । उनी स्वतन्त्र ऊर्जा उत्पादकहरूको संस्था, नेपाल (इपान) का निर्वतमान अध्यक्ष पनि हुन् ।

गुरागाईंले नेतृत्व गरेको ङादी ग्रुप अन्तर्गत सिउरी खोला, सुपर माई ‘ए’, सुपर माई क्यासकेड, हेवाखोला लगायत जलविद्युत आयोजना छन् ।


Read Previous

मेलम्चीको पानी प्रशोधन क्षेत्रमै खानेपानीको समस्या

Read Next

‘मोहरेडाँडा’मा पर्यटक आकर्षण बढ्दो

Leave a Reply

Your email address will not be published. Required fields are marked *