नेपाल पूर्वाधार 
काठमाडौं । कुवेतको जजिरा एयरलायन्सले आगामी फागुन २५ गतेदेखि पुनः उडान गर्ने भएको छ। मौसमको कारण देखाउँदै भैरहवास्थित गौतमबुद्ध अन्तर्राष्ट्रिय विमानस्थलबाट उडान रोकेको दुई महिनापछि फेरि जजिराले उडान गर्ने भएको हो ।
विमानले गत पुस ६ गतेदेखि उडान रोकेको थियो । यद्धपी माघ १९ देखि उडान सुरु गर्ने बताएपनि जजिराले उडान सुरु गर्न सकेको थिएन ।
विमानस्थलबाट जजिराले पुरानै तालिकाअनुसार भैरहवा–कुवेत–भैरहवा सातामा तीन उडान गर्नेछ।
जजिराले मंगलबार, बिहीबार र शुक्रबार उडान गर्नेछ। बिहान ७ः१५ बजे विमानस्थलमा ल्यान्ड हुने र ८ः०५ मा कुवेतका लागि उड्ने विमानस्थलले जनाएको छ ।
Tags: #जजिरा एयरलायन्स
