Nepal Purbadhar

बुधबार, अशोज १२, २०७९
Wednesday, September 28, 2022

बुधबार, अशोज १२, २०७९
Wednesday, September 28, 2022
बजेट पारदर्शितामा नेपाल १२ स्थान तल झर्यो, नागरिक सहभागितामा भने दक्षिण एशियामै उत्कृष्ट अवस्था ठिक नभएका २५ सवारी साधन ट्राफिक प्रहरीको कारवाहीमा, १४ नियन्त्रणमा कोषले हिमाल दोलखा हाइड्रोपावरको हकप्रद शेयरको प्रत्याभुति गर्ने हरित हाइड्रोजनमा लगानी भित्र्याउन ‘नेपाल ग्रीन हाइड्रोजन समीट’ गर्दैछाैंः घले पश्चिम सेती अध्ययन अनुमतिपत्रका लागि भारतीय कम्पनीको आवेदन निजी क्षेत्रलाई विद्युत व्यापारको अनुमति दिन अध्यादेश (यस्ता छन् विद्युत व्यापारका प्रावधानहरु) कोटेश्वर–सूर्यविनायक सडकमा प्राधिकरणले जोड्यो स्मार्ट बत्ती, झिलिमिली बन्यो सडक २ अर्ब बढी लगानीमा भरतपुर महानगरकाे ढल व्यवस्थापन गरिने

भारतमा बुटवल–गोरखपुर ट्रान्समिसन कम्पनी दर्ता


काठमाडौ । नेपाल र भारतबीच नेपाल र भारतबीच दोस्रो अन्तरदेशीय बुटवल–गोरखपुर प्रसारण लाइन निर्माणका लागि भारतमा संयुक्त कम्पनी स्थापना भएको छ ।

दिल्लीस्थित रजिष्ट्रार अफ कम्पनीज (आरओसी) मा गत भदौ १५ गते अर्थात ३१ अगष्टमा बुटवल–गोरखपुर क्रस बोर्डर पावर ट्रान्समिसन कम्पनी दर्ता भएको हो । आरओसीका अनुसार अधिकृत पुँजी र जारी पुँजी ५ लाख भारतीय रुपैयाँ रहेको कम्पनीमा नेपाल विद्युत प्राधिकरण र भारतको पावर ग्रिड कर्पोरेसन अफ इण्डियाको ५०/५० प्रतिशत स्वपुँजी (इक्वेटी) सेयर रहेको छ । विद्युत प्राधिकरणका निर्देशक एवं नेपाल विद्युत प्राधिकरणको विद्युत व्यापार कम्पनीका प्रमुख कार्यकारी अधिकृत प्रवल अधिकारीले औपचारिक रुपमा १५ भदौमा भारतमा कम्पनी दर्ता भएको जानकारी आएको बताए ।

२०७६ सालको असोज अन्तिममा भारतमा भएको ऊर्जा व्यापार सम्झौता (पीटीए)मा अन्र्तगत गठित सचिवस्तरीय संयुक्त कार्यकारिणी समिति (जेएससी) ले तीन महिनाभित्र गठन गर्ने भनिएको कम्पनी तीन बर्षपछि बल्ल गठन भएको हो । एक बर्ष अघि लगानीका लागि प्राधिकरण र ग्रीड कर्पोरेसनबीच संयुक्त लगानी सम्झौता पनि भएको थियो ।

कम्पनी दर्तासँगै अब दुई देशबीच इम्प्लिेमेन्टेनसन अफ ट्रान्समिसन सिष्टम एग्रिमेन्ट हुनेछ । संयुक्त कम्पनी निर्माणसँगै तीन बर्षभित्र प्रसारण लाइन पुरा गर्ने लक्ष्य राखिएको छ । सो प्रसारण लाइनबाट तीन हजार मेगावाट विद्युत आदानप्रदान गर्न सकिनेछ । नेपालको पहिलो अन्तरदेशीय प्रसारण लाइन ढल्केबर–मुजफपुर अन्तरदेशीय प्रसारण लाइनको एक हजार मात्र बिजुली आदानप्रदान गर्ने क्षमता छ ।

४ सय केभीको सो कम्पनीले भारततर्फको १२० किलोमिटर प्रसारण लाइन निर्माण गर्नेछ । प्राधिकरणका अनुसार सो अन्तरदेशीय प्रशारणलाइनमा भारततर्फ १२० किलोमिटरका लागि सन् २०१६ को अध्ययनले ५ अर्ब १५ करोड भारतीय रूपैयाँ लाग्नेछ । त्यसैगरी नेपालतर्फको २० किलोमिटर प्रशारणलाइनका लागि भने २ अर्ब ५ करोड भारतीय रूपैयाँ लाग्ने अध्ययनले देखाएको छ । नेपालतर्फको प्रसारण लाइन भने नेपाल आफैले बनाउनेछ ।

दोस्रो अन्तरदेशीय प्रसारण लाइनमा पनि २५ वर्षसम्मको एकल क्यापासिटी बुकिङ नेपालले गर्नेछ । २५ वर्षपछि भारततर्फको प्रसारण लाइनमा नेपालको पनि लगानी भएकोले त्यो लाइन कसरी सञ्चालन हुन्छ भने अझै अन्योल छ । यसैगरी २० प्रतिशत इक्वेटीबाहेकको ८० प्रतिशत ऋण सहुलियतको वा व्यापारिक ऋण के लिने भन्ने पनि अन्योल छ ।


Read Previous

पूर्वाधार परियोजना घोषणामा अघि देखिएका प्रदेशको कार्यान्वयन क्षमता कमजोर

Read Next

सरकारकै कारण मासिँदै छन् जलाशय जलविद्युत परियोजना

Leave a Reply

Your email address will not be published.