Nepal Purbadhar

मङ्लबार, माघ १७, २०७९
Tuesday, January 31, 2023

मङ्लबार, माघ १७, २०७९
Tuesday, January 31, 2023
यातायात मजदुरले बुझाए उपप्रधानमन्त्री श्रेष्ठलाई ज्ञापनपत्र दुई पाङ्ग्रे सवारी चलाउदा पछाडि बस्नेलाई पनि हेल्मेट अनिवार्य गर्ने तयारी अर्थ मन्त्रालयद्वारा साढे १० अर्ब बचत हुने गरी खर्च कटौती गर्ने निर्णय राष्ट्रिय गौरवका आयोजनाको कारुणिक तस्वीरः ३५ वर्षमा पनि नबन्दा साढे १२ सय प्रतिशतसम्म लागत वृद्धि (विस्तृतमा कुन परियोजनाको कति लागत बढ्यो ?) एकिकृत यातायात पूर्वाधार विकाससम्बन्धी अन्तर्राष्ट्रिय सम्मेलन यही हप्ता काठमाडौमा भैरहवाबाट ढाका उडान सुरु गर्न बंगलादेशका राजदूतसामू आग्रह ४ महिनामा इङ्वाखोलाको विद्युत प्रसारण प्रणालीमा आउँदै यस वर्ष विश्व मुद्रास्फीति दर ६.६ प्रतिशत पुग्ने आइएमएफको प्रक्षेपण

जलविद्युतको लाइसेन्स, उत्पादन र वित्तिय व्यवस्थापनको म्याद एक बर्ष थप, इपानको स्वागत


काठमाडौ । ऊर्जा जलस्रोत तथा सिंचाई मन्त्रालयले जलविद्युत आयोजनाहरुको अनुमतिपत्र (लाइसेन्स), व्यापारिक उत्पादन गर्ने मिति (आरसीओडी) र वित्तिय व्यवस्थापनको म्याद एक बर्ष थप गरेको छ ।

ऊर्जा मन्त्रालयद्धारा गठित कोभिड–१९ को महामारीका कारण जलविद्युत आयोजनाहरुको विद्युत उत्पादन प्राप्त आयोजनामा सिर्जित समस्याहरु समाधान गर्न गठित कार्यदलको सिफारिसमा एक बर्ष म्याद थप गरिएको हो । ऊर्जा, जलस्रोत तथा सिञ्चाई मन्त्री पम्फा भुषालले मन्त्रीस्तरीय निर्णयमार्फत म्याद थपको निर्णय भएको मन्त्रालयले जनाएको छ ।

मन्त्रालयका अनुसार, विद्युत खरिद सम्झौता (पीपीए) को समयावधि गर्दा थप आर्थिक दायित्व नपर्ने तथा विद्युत प्राधिकरणसँग भएको पीपीए सम्झौतामा उल्लेख गरिएको आरसीओडीको म्याद थप्न समेत कुनै क्षतिपुर्ति वा हर्जन नलिई थपिने छ ।

ऊर्जा मन्त्रालयको निर्णयको स्वतन्त्र ऊर्जा उत्पादकहरुको संस्था नेपाल (इपान) ले स्वागत गरेको छ । इपान अध्यक्ष कृष्ण आचार्यद्धारा बिहीबार जारी विज्ञप्तिमा सरकारको यस कदमले समग्र ऊर्जा क्षेत्रमा ठूलो राहत महसुस हुनुको साथै यो क्षेत्र उत्साहित भएको जनाएको छ ।

विज्ञप्तिमा आगामी दिनहरुमा बिद्युत खरिद बिक्री सम्झौता (पीपीए) लगायत ऊर्जा क्षेत्रमा देखा पर्ने अन्य समस्याहरु समाधानका लागि मन्त्रालयको यस्तै अभिभावकीय भूमिका रहन्छ भन्ने इप्पानको पूर्ण विश्वास समेत रहेको उल्लेख छ ।

कोभिड महामारीको पहिलो, दोस्रो र तेस्रो लहरका कारण पछिल्लो साढे दुई बर्ष जलविद्युत आयोजनाको काम ठप्प बनेको थियो । कोभिडका कारण लामो समयसम्म जलबिद्युत परियोजनाहरुमा भौतिक निर्माणका कार्य रोकिनुका साथै स्वदेश फर्केका विदेशी दक्ष प्राविधिकहरु र कामदारहरु अझसम्म नआउँदा काम अघि बढ्न नसकेको भन्दै इप्पानले आरसीओडीको म्याद दुई बर्ष थप्न अनुरोध गरेको थियो ।


Read Previous

मेलम्ची खानेपानी आयोजना (एक खाेज अध्ययन)

Read Next

व्यवसायको पहुँच बढाउन इकमर्श साईट एमएसएमईडटकम सञ्चालनमा

Leave a Reply

Your email address will not be published.