नेपाल पूर्वाधार 
काठमाडौं । सरकारले अन्तर प्रदेश सञ्चालन हुने लामो दूरीका सार्वजनिक यात्रु र मालवाहक सवारी साधनको भाडादर वृद्धि गरेको छ । यातायात व्यवस्था विभागले आज (६ असार) देखि कार्यान्वयन हुने गरी भाडादर वृद्धि गरेको हो ।
नयाँ भाडादरअनुसार यात्रुवाहक सवारीमा ५.३० प्रतिशतले वृद्धि भएको छ । यसको अर्थ १ सय रुपैयाँ भाडा लाग्थ्यो भने अब १ सय ५ रुपैयाँ ३० पैसा तिर्नुपर्नेछ । त्यस्तै, पहाडी बाटोमा सञ्चालन हुने मालवाहक सवारी साधनमा ६.९४ प्रतिशतले वृद्धि भएको छ भने तराईको बाटोमा सञ्चालन हुने मालवाहक सवारीमा ७.७ प्रतिशतले भाडा वृद्धि भएको छ ।
सार्वजनिक यातायातको भाडा समायोजन गर्दा आधार मानिएको इन्धनको बजार मूल्य ५ प्रतिशत वा सो भन्दा बढीले बढेमा वा घटेमा विभागले वैज्ञानिक भाडा समायोजन प्रणाली अनुसार स्वचालित रुपमा अन्तर प्रदेश सार्वजनिक यातायातको भाडा बढ्ने वा घट्ने व्यवस्था गरेको छ ।
त्यसैअनुसार पछिल्लो पटक भाडा समायोजन गर्दा आधार लिइएको ६ असारमा डिजेलको बजार मूल्य १६५रुपैयाँ प्रति लिटरमा २७ रुपैयाँ वृद्धि भई अहिले बजार मूल्य १९२ रुपैयाँ प्रति लिटर कायम भएको छ । यो मूल्य पछिल्लो समायोजनमा आधार लिइएको मुल्यभन्दा १६.३६ प्रतिशत बढी भएकोले भाडादर वृद्धि गर्नुपरेको विभागका भनाइ छ ।
यातायात व्यवस्था विभागले वृद्धि गरेको भाडादर दुई वा सो भन्दा बढी प्रदेश भई (राष्ट्रियस्तरका रुटमा) सञ्चालन हुने सार्वजनिक यातायातको भाडादर स्वचालित प्रणाली बमोजिम समायोजन भएको यातायात व्यवस्था विभागले जानकारी दिएको छ ।
कहाँ कतिले बढ्यो भाडा: अन्तरप्रदेश भाडादर
