नेपाल पूर्वाधार 
DCIM100GOPROGOPR1252.JPG
हेटौंडा । लगातारको वर्षासँगै आएको बाढीपहिरोका कारण राजधानी काठमाडौं जोड्ने प्रमुख राजमार्ग तथा सडकखण्ड अवरुद्ध हुँदा हेटौंडामा सवारीसाधनको चाप बढेको छ।
पृथ्वी राजमार्ग र नारायणगढ-मुग्लिङ सडकका विभिन्न स्थानमा बाढीपहिरोका कारण अवरोध भएपछि काठमाडौं जाने मालवाहक ट्रक तथा यात्रुवाहक बसहरू वैकल्पिक मार्गतर्फ केन्द्रित भएका छन्।
हेटौंडा-काठमाडौं जोड्ने कान्ति लोकपथ, फाखेल र सिस्नेरी मार्गमा समेत विभिन्न स्थानमा अवरोध हुँदा त्रिभुवन राजपथमा सवारीसाधनको चाप बढेको छ।
सडकको क्षमता र सुरक्षालाई ध्यानमा राख्दै प्रशासनले सवारी सञ्चालनका लागि समय तथा भारसम्बन्धी सीमा तोकेको छ। यसका कारण हेटौंडा क्षेत्रमा काठमाडौं जाने मालवाहक सवारी तथा यात्रुवाहक बसहरूको लामो लाइन देखिएको छ।
लगातारको वर्षा र विभिन्न सडकखण्डमा देखिएको अवरोधका कारण राजधानीतर्फ जाने सवारीसाधनको आवागमन प्रभावित भएको छ।
तस्बिरहरू : नेपाल फोटो लाइब्रेरी
