नेपाल पूर्वाधार 
काठमाडौं । भूमि व्यवस्था, सहकारी, सङ्घीय मामिला तथा सामान्य प्रशासन मन्त्रालय अन्तर्गतको समस्याग्रस्त सहकारी व्यवस्थापन समितिले समस्याग्रस्त घोषित गौतमश्री बहुउद्देश्यीय सहकारी संस्थाका ऋणीहरूको नामावली सार्वजनिक गरेको छ ।
समितिले वैशाख २३ गते बसेको बैठकको निर्णयअनुसार ऋणीहरूको विवरण सार्वजनिक गरिएको जनाएको छ । नेपाल सरकारले २०८० चैत १३ गते गौतमश्री बहुउद्देश्यीय सहकारी संस्थालाई समस्याग्रस्त सहकारी घोषणा गरेको थियो ।
समितिका अनुसार उपलब्ध अभिलेख र विवरणका आधारमा ऋणीहरूको नाम सार्वजनिक गरिएको हो । ऋण चुक्ता गरिसकेका तर नामावलीमा नाम समावेश भएका व्यक्तिलाई आवश्यक प्रमाणसहित समितिको सम्पर्कमा आउन आग्रह गरिएको छ ।
त्यस्तै, हालसम्म ऋण भुक्तानी नगरेका ऋणीलाई समितिको कार्यालयमा सम्पर्क गरी यथाशीघ्र ऋण तिर्न निर्देशन दिइएको छ । अन्यथा प्रचलित कानुनअनुसार कारबाही प्रक्रिया अघि बढाइने समितिले जनाएको छ ।
ऋणीको नाम हेर्न यहाँ क्लिक गर्नुहोस्
