नेपाल पूर्वाधार 
काठमाडौं । पूर्वी नेपालको इलाममा रहेको अन्तु डाँडा । देशविदेशबाट पर्यटक पुग्ने अन्तुमा होटल व्यवसाय फस्टाउने क्रममा छ । यहाँ स-साना कटेज र होमस्टे पनि पर्याप्त रुपमा सञ्चालनमा छन् ।
एकछिनमा तुँवालो लाग्ने अनि एकैछिनमा झलमल्ल घाम लाग्ने यहाँको मौसमले पनि पर्यटकलाई लोभ्याएको छ ।
समुन्द्री सतहदेखि करिब २,३२२ मिटरको उचाइमा रहेको यो डाँडाबाट पूर्वी क्षितिजमा सूर्योदयको मनमोहक दृश्य अवलोकन गर्न सकिन्छ।
अन्तु डाँडाले नजिकैको भारतीय राज्य सिक्किमसहित, मकालु, कञ्चनजंघा, र अन्य हिमशृंखलाहरूको रमणीय दृश्य देखाउने भएकाले यस स्थानको पर्यटकीय महत्त्व बढ्दो छ। विशेष गरी चिसो मौसममा यहाँ बाक्लो हुस्सु र सूर्योदयको संगमले झनै रोमाञ्चक दृश्य दिन्छ।
यहाँ स्थित अन्तु पोखरी, गुरुङ समुदायको परम्परागत बस्ती, स्थानीय कृषि प्रणाली, र जैविक चिया बगानले समेत पर्यटकको ध्यान खिच्ने गरेका छन्। होमस्टे र साना लजहरूको सुविधा विस्तार हुँदै गएकोले अन्तुमा अब सजिलै बास बस्न सकिन्छ।
अन्तु डाँडा पुग्न इलाम बजारबाट करिब ३५ किलोमिटरको यात्रा गर्नुपर्छ। सडक पहुँच सुधारसँगै यहाँको पर्यटकीय गतिविधि झन् सजीव बन्दै गएको छ। स्वदेशी तथा विदेशी पर्यटकका लागि अन्तु डाँडा प्राकृतिक सौन्दर्य र स्थानीय संस्कृतिको अद्भुत संगम बनेको छ।
तस्बिरहरु: नेपाल फोटो लाइब्रेरी
