Nepal Purbadhar

बुधबार, मंसिर २१, २०७९
Wednesday, December 7, 2022

बुधबार, मंसिर २१, २०७९
Wednesday, December 7, 2022

असोज २४ र २५ गते पहिलो हरित हाइड्रोजन सम्मेलन हुने


काठमाडौं । आगामी असोज २४ र २५ गते हरित हाइड्रोजन सम्मेलन हुने भएको छ । नेपालमा हरित हाइड्रोजन प्रवद्र्धन गर्न पहिलो पटक सम्मेलन हुन लागेको हो ।

जलवायु परिवर्तनको असर न्यूनीकरण तथा आर्थिक वृद्धि हासिल गर्न स्वच्छ ऊर्जा र दिगो जलवायु अनुकुल पूर्वाधारमा लगानी अभिवृद्धि गर्ने उद्देश्यले सम्मेलन आयोजना गर्न लागिएको हो । यो सम्मेलन एमआईटी ग्रुप फाउण्डेशन, ग्लोबल एनआरएन फाउन्डेसन, नेपाल सरकार अर्थ मन्त्रालय र नेपाल सरकार, ऊर्जा, जलस्रोत तथा सिँचाइ मन्त्रालयले संयुक्त रूपमा आयोजना गर्न लागेको सोमबार राजधानीमा पत्रकार सम्मेलनमार्फत जानकारी दिइएको छ ।

ताहाचलस्थित होटल सोल्टीमा आयोजना हुने सम्मेलनको नारा ‘नेपाल हरित हाइड्रोजन सम्मेलन: पग्लिदै गरेका हिमालहरूका लागि एन्टीडोट’ छ । हरित हाइड्रोजनको उत्पादन, भन्डारण तथा वितरण क्षमताको अध्ययनमा सम्मेलनमा टेवा पुर्याउने लक्ष्य लिइएको छ ।

यो सम्मेलन नेपालमा आयोजना हुने पहिलो हुनेछ । पहिलो पटक आयोजना हुन लागेकाले पनि यो सम्मेलन विशेष हुने आयोजकले जनाएको छ । सम्मेलनमा नेपालमा हरित हाइड्रोजनको उत्पादन र जलवायु परिवर्तनको असर न्यूनीकरण गर्न र यसलाई कसरी प्रयोग गर्न सकिन्छ भन्ने विषयमा बहस, विश्लेषण गरिनेछ ।

योसँगै नेपालमा पर्यावरणीय रूपमा दिगो हरित हाइड्रोजन अर्थतन्त्रको विकास गरी ऊर्जा र खाद्य सुरक्षाको सुनिश्चितता बढाउने लक्ष्य पनि सम्मेलनको छ । सम्मेलनमा नेपालका उद्योग क्षेत्रका उच्च तथा प्रतिष्ठित व्यक्तित्व, विभिन्न मन्त्रालय र सरकारी कार्यालयका प्रतिनिधि, नेपाल विकास साझेदारका प्रतिनिधि, बहुपक्षीय अन्तर्राष्ट्रि समुदाय, संयुक्त राष्ट्रसंघीय एजेन्सी, विदेशी दुतावास, अन्तराष्ट्रिय विज्ञ र हरित हाइड्रोजन प्रविधिमा काम गरिरहेका प्रमुख कम्पनीका प्रतिनिधिहरूको सहभागिता रहनेछ ।

जलवायु परिवर्तनको असर न्यूनीकरण तथा आर्थिक वृद्धि हासिल गर्नका लागि स्वच्छ ऊर्जा क्षेत्र र दिगो जलवायु अनुकुल पुर्वाधारमा लगानी गर्नुपर्ने विषयमा विश्वव्यापी रूपमा छलफल भइरहेको सन्दर्भमा हरित हाइड्रोजन सम्मेलनले महत्वपुर्ण भुमिका निर्वाह गर्ने अपेक्षा गरिएको छ


त्यसैगरी, नेपालले पर्यावरणीय समस्याहरुको दीर्घकालीन समाधानका लागि नवीनतम उपायहरु पत्ता लगाउन पनि सम्मेलनले महत्त्वपूर्ण भूमिका निर्वाह गर्ने अपेक्षा गरिएको छ । सम्मेलनले जल विद्युतको प्रयोग गरी हरित हाइड्रोजनको उत्पादन र उत्पादित हाइड्रोजनलाई अमोनिया उत्पादनमा प्रयोग गर्ने र यस बाहेक हाइड्रोजनलाई अरु कुन क्षेत्रमा प्रयोग गर्न सकिन्छ भन्ने विषयलाई केन्द्रमा राखेको छ ।

यस सम्बन्धि नीति सुधारका लागि इनोभेटिभ वित्तिय मोडालिटी, वैदेशिक प्रत्यक्ष लगानी, निजी क्षेत्रको थप संलग्नता, प्रविधिको प्रयोग र नीति निर्माणका लागि बलियो आधार निर्माण गर्न पनि सम्मेलनले उल्लेखनीय भूमिका निर्वाह गर्ने अपेक्षा गरिएको आयोजकले जनाएको छ ।


Read Previous

सरकारी ढुकुटी प्रयोग गरेर पूर्व पश्चिम रेलमार्ग निर्माण र पानी जहाज सञ्चालन असम्भव : पूर्वाधार मन्त्री

Read Next

आज ४३औं विश्व पर्यटन दिवस, नेपालमा पनि विविध कार्यक्रम गरी मनाईँदै

Leave a Reply

Your email address will not be published.