नेपाल पूर्वाधार 
काठमाडौं । चिलिमे जलविद्युत् आयोजनाको सुरुङभित्र ठूला चट्टान, लेदो र पानीका कारण उद्धार कार्य चुनौतीपूर्ण बने पनि उद्धार प्रयास भने निरन्तर जारी छ। विगत दुई दिनदेखि उद्धार टोलीले २४ सै घण्टा सुरुङभित्र उद्धारका लागि काम गरिरहेको छ।
उद्धारमा खटिएका प्रतिनिधी सभा सदस्य श्रीराम न्यौपाने अनुसार हाल सुरुङको करिब १५० देखि १६० मिटर भाग जलमग्न रहेकाले पानीको सतह घटाउन सक्सन पम्प प्रयोग गर्ने तयारी भइरहेको छ। पानीको सतह घटेपछि नेपाली सेनाको तालिमप्राप्त उद्धार टोली सुरुङभित्र थप अगाडि बढेर गन्तव्यसम्म पुग्ने अपेक्षा गरिएको छ। सुरुङभित्र चट्टान, लेदो र पानीको अवरोधका कारण उद्धारमा कठिनाइ देखिए पनि उद्धार टोलीले अवरोध हटाउँदै निरन्तर प्रयास गरिरहेको छ। सुरुङभित्रको अवस्थाका कारण उद्धार कार्यमा समय लागे पनि टोलीले प्रयासलाई निरन्तरता दिएको छ। उद्धारका लागि सुरुङभित्रको पानी घटाउने, अवरोध हटाउने र तालिमप्राप्त टोलीलाई सुरक्षित रूपमा थप अगाडि बढाउने तयारीलाई प्राथमिकतामा राखिएको छ।
भदौ १० गतेको बाढीले आयोजना क्षतिग्रस्त बनाएको छ भने कर्मचारीहरु भित्रै फसेको अनुमान गरेर उद्धार थालिएको हो ।
