नेपाल पूर्वाधार 
काठमाण्डौ/नेपाली कांग्रेसका महामन्त्री एवं पुर्व मन्त्री गगन थापाले आगामी नीति तथा कार्यक्रममा प्रधानमन्त्री नेपाली उत्पादन प्रवर्द्धन कार्यक्रम लागु गर्न लागेको बताएका छन् ।
राष्ट्रिय योजना आयोगका पुर्व उपाध्यक्ष एवं अर्थविज्ञ डा स्वर्णिम वाग्लेद्धारा लिखित ‘अतृप्त अवसर’ पुस्तक विमोचन तथा समसामयिक अर्थराजनीतिक विमर्शमा उनले सो कार्यक्रम नेपाली उत्पादन र खपत बढाउन केन्द्रित हुने बताए ।
एनका अनुसार, ६ वटा विशेष क्षेत्रमार्फत उत्पादन प्रवद्र्धनको कार्यक्रममा आगामीइ नीति तथा कार्यक्रममा समावेश गर्न प्रधानमन्त्री शेरबहादुर देउवालाई बुझाईसकिएको छ । ‘नेपाली उत्पादन बढाउने र खपत बढाउनमा केन्द्रित उत्पादन प्रवद्र्धनको कार्यक्रममा कांग्रेसद्धारा प्रश्तुत समेत भईसकेको छ ।’–उनले भने–‘यसमा विशेष रुपमा टेक्सटाइल, जुत्ताचप्पल, कृषि तथा खाद्य सुरक्षा, वन पैदावर, जडिबुटी र औषधि, निर्माण उद्योग र हस्तकला ७ वटा क्षेत्र समेटिएको छ ।’
उनले आगामी हुने संसद चुनावपछिको सरकार गर्ने कामका लागि ३५ वटा क्षेत्र पहिचान गरिएको र ६० विज्ञहरुले यसको योजना बनाईरहेको बताउँदै यसले आगामी पाँच बर्षभित्र नेपाल कहाँ पुग्ने भने चित्र प्रश्तुत गर्ने बताए ।
राष्ट्रिय योजना आयोगका पूर्वसदस्य एवं समाजशास्त्री उषा झालेसरकारले योजना बनाउँदा दिगो विकासलाई केन्द्रित गरी कम्तीमा २५ बर्षका लागि बनाउनुपर्ने बताइन । पाँच बर्षका लागि मात्र सोचेर काम गर्दा विकास नहुने उनको तर्क थियो । अर्थविद् डा.वाग्लेले राजनीतिलाई सफा बनाएर मात्र मुलुक विकासतर्फ अघि बढ्न सक्ने बताउँदै योजनाको विविधतामा विशेष ध्यान दिनुपर्ने बताए ।
