नेपाल पूर्वाधार 
काठमाडौं । निजी क्षेत्रकै सबैभन्दा ठूलो आयोजना बनाइरहेका हिम पाठकले स्वतन्त्र ऊर्जा उत्पादकहरुको संस्था,नेपाल (इप्पान) को उपाध्यक्षमा उम्मेदवारी दिएका छन् ।
जेठ २९ गते शुक्रबारको साधरणसभाले इप्पानको नयाँ कार्यसमिति चयन गर्दैछ । हिम पाठकले ३४१ मेगावाटको बुढीगण्डकी जलविद्युत आयोजना निर्माण सुरु गरेका छन् । गोरखामा ७० अर्ब रुपैयाँ लगानीमा ३४१ मेगावाटको बूढीगण्डकी जलविद्युत् आयोजना निर्माण भइरहेको छ ।
पाठक तीनै हुन् जसले यस अघि पनि निजी क्षेत्रकै ठूलो आयोजना निर्माण गरेर सञ्चालनमा ल्याइसकेका छन् ।
साहस ऊर्जाले ८६ मेगावाटको सोलुखोला (दुधकोसी)निर्माण गरेर सञ्चालनमा ल्याइसकेका छन् ।
निजी क्षेत्रकै ठूलो आयोजना बनाएर रेकर्ड बनाएका पाठकले उत्तम लामा समूहबाट उम्मेदवारी दिएका हुन् । उनी वर्तमान कार्य समितिका सचिव हुन् ।
स्वच्छ छविका पाठक इप्पानका सदस्यहरुमाझ लोकप्रिय छन् । उनले जित्ने सम्भावना बलियो छ । उनले ८६ मेगावाटको सोलुखोला सफलतापूर्वक सम्पन्न गरेर आफ्नो छवि बनाइसकेका छन् ।
