नेपाल पूर्वाधार 
काठमाडौं । नेपाल विद्युत प्राधिकरण सञ्चालक समितिको बैठकले डेडिकेटेड फिडर तथा ट्रंकलाइनको बक्यौता उठाउने निर्णय गरेको छ ।
अन्तरिक सरकार बनेपछि बसेको प्राधिकरण सञ्चालक समितिको बैठकले बक्यौता उठाउने निर्णय गरेको हो ।
‘आज बसेको सञ्चालक समितिको बैठकले बक्यौता उठाउने निर्णय गरेको छ । तर माइन्युट भने भएको छैन् ,’ सञ्चालक समितिका एक सदस्यले भने, ‘लाइन नै काटेर भएपनि बक्यौता उठाउन सञ्चालक समिति तयार भएको छ । ‘
कुलमान ऊर्जा मन्त्री बन्ने बित्तिकै पहिलो निर्णय बक्यौता उठाउने गरेका थिए । प्राधिकरणमा कार्यकारी निर्देशक बनेर आएका मनोज सिलवाल समेत बक्यौता उठाउने पक्षमा छन् । सोही कारण सञ्चालक समितिले बक्यौता उठाउने निर्णय गरेको हो ।
प्राधिकरणले झण्डै ८ अर्ब रुपैयाँ बक्यौता उठाउन लागेको हो ।
प्राधिकरण सञ्चालक समितिका एक सदस्यका अनुसार किस्ताबन्दीको सुविधा दिएर बक्यौता उठाइनेछ । माइन्युटमा हस्ताक्षर भएपछि प्राधिकरणले उद्योगीहरुलाई बक्यौता तिर्न आउन सूचना निकाल्नेछ ।
