नेपाल पूर्वाधार 
काठमाडौं । आइएमइ ग्रुपका चन्द्र प्रसाद ढकालको कम्पनी मौलाकालि केवलकारले ९ महिनामा ८ करोड १० लाख रुपैयाँको कारोबार गरेको छ ।
२०२५ मा यो कम्पनीले ८ करोड १० लाख रुपैयाँको कारोबार गरेको हो ।
यसअघि २०२४ मा १० करोड ७० लाख रुपैयाँको कारोबार गरेको यो कम्पनीले त्यसअघि २०२३ मा भने २ अर्ब ४० करोड रुपैयाँको कारबार गरेको थियो ।
२०२३ को मध्य अप्रिलबाट सञ्चालनमा आएको यो केवलकार पूर्ण रुपमा भने २०२५ मध्य मेबाट सञ्चालनमा आएको थियो । २०१६ मा सुरु भएको यो कम्पनीको सेयर स्वामित्व आइएमई ग्रुपका चन्द्र प्रसाद ढकाल र हेमराज ढकालसँग रहेको छ ।
नवलपरासीको गैंडाकोटमा रहेको मौलाकालिका मन्दिरमा सञ्चालनमा रहेको यो केवलकारसँगै कम्पनीले त्यहाँ होटल पनि सञ्चालन गर्ने तयारी गरिरहेको छ । त्यहाँ ‘इला’ ब्रान्ड नाममा ६५ कोठासहितको होटल सञ्चालनमा ल्याउन लागिएको हो ।
हालका लागि यो कम्पनीले १ अर्ब ४२ करोड १० लाख रुपैयाँको कर्जा सुविधाका लागि रेटिङ गराएको छ । जसमध्ये रेटिङ एजेन्सी इक्रा नेपालले कम्पनीलाई १ अर्ब ४२ करोड १० लाख रुपैयाँको दीर्घकालिन कर्जा सुविधाका लागि डबल बि माइनस रेटिङ दिएको छ ।
