रसुवा बाढी: २४० मेगावाट विद्युत उत्पादन बन्द

काठमाडौं । रसुवामा आएको बाढीका कारण २४० मेगावाट क्षमताको विद्युत उत्पादन बन्द भएको छ ।

नेपाल विद्युत प्राधिकरणका कार्यकारी निर्देशक हितेन्द्र देव शाक्यकाअनुसार रसुवामा आएको बाढीका कारण विभिन्न आयोजनामा क्षति पुग्दा २४० मेगावाट विद्युत उत्पादनमा क्षति पुगेको हो ।

बाढीका कारण विभिन्न जलविद्युत आयोजनामा क्षति पुग्दा २४० मेगावाट उत्पादन बन्द भएको हो ।

बाढीका कारण १११ मेगावाट क्षमताको रसुवागढी जलविद्युत आयोजनामा रहेको बाँधको एउटा गेट बाढीले बगाएको छ । उक्त जलविद्युत आयोजना अन्तर्गतको पुल समेत बगाएको छ भने आयोजनाको टेलरेसमा पनि गेग्रान थुप्रिएको प्राधिकरणले जनाएको छ ।

त्यस्तै, त्रिशूली ३ ए आयोजनाको भवनमा पनि बाढी पसेको छ । त्रिशूली ३ बी आयोजनाको सबस्टेसनमा पनि हिलोले पुरिएको विद्युत प्राधिकरणले जनाएको छ ।