नेपाल पूर्वाधार 
काठमाडाैं । भाेजपुरमा निर्माणाधीन ४.३ मेगावाटकाे फेदीखाेला जलविद्युत आयाेजनामा लगानी जुटेकाे छ । फेदीखोला हाईड्रो पावर कम्पनीले अघि बढाएकाे आयाेजनामा राष्ट्रिय बाणिज्य बैंकले एकल ऋण लगानी गर्ने भएकाे हाे ।
आयाेजनाकाे प्रवर्द्धक कम्पनी र बैंकबीच बिहीबार (२०८१ श्रावण १७ गते) ऋण लगानी सम्झाैतामा हस्ताक्षर भएकाे छ । सम्झौतामा राष्ट्रिय बाणिज्य बैंककातर्फबाट पूर्वाधार बैंकिङ विभाग प्रमुख दामोदर ज्ञावाली र कम्पनीका तर्फबाट प्रबन्ध सञ्चालक प्रकाशचन्द्र दुलालले हस्ताक्षर गरेका छन् ।
सम्झौता अनुसार कम्पनीले भोजपुर जिल्लाको साल्पासिलिछो गा.पा. वाडा नं. ६ मा निर्माण गरिरहेका फेदीखोला (थुम्लुङ्ग) जलविद्युत् आयोजनामा बैंकले ५० करोड रुपैयाँ ऋण लगानी गर्नेछ ।
आयाेजना सम्पन्न गर्न कूल ९४ करोड रुपैयाँ लागत अनुमान गरिएकाेमा बैंकले ५० कराेड रुपैयाँ लगानी गर्ने प्रतिबद्धता जनाएकाे हाे । बाँकी ४४ कराेड रुपैयाँ स्वपुँजीकाे रुपमा प्रवर्द्धक कम्पनीले लगानी गर्नेछ ।
कम्पनीका अनुसार अहिलेकाे कम्पनीलाई प्रालिबाट लिमिटेडमा परिवर्तन गरी स्वपुँजी लगानीकाे ३० प्रतिशत लगानी ( १३ करोड २० लाख रुपैयाँ) सर्वसाधारणका लागि सेयर निस्कासन गरेर जुटाइनेछ ।
याे आयाेजना अहिले निर्माणाधीन छ । आयाेजनामा आवश्यक सम्पुर्ण जग्गा खरिद, कन्स्ट्रक्सन पावर जडान, पहुँच मार्ग निमार्ण, गोदाम घर, आवस गृह निर्माण लगायतका पूर्व तयारीका कामहरु सम्पन्न भइसकेका छन् ।
आयाेजनाकाे संरचना निर्माणकाे काम पनि करिब ३० प्रतिशत भइसकेकाे कम्पनीले जनाएकाे छ । आयाेजनाबाट २०८२ असोजभित्र विद्युत उत्पादन गर्ने लक्ष्य छ ।
