नेपाल पूर्वाधार 
सङ्खुवासभा । कोशी राजमार्गअन्तर्गत सङ्खुवासभाको खाँदबारी–नुम सडक खण्डको ठूलोढुङ्गा अरुणथानमा भिषण वर्षासँगैकाे बाढीले क्षति पुर्याएकाे छ । बाढीले सडक खण्डकाे ४ किलोमिटर क्षेत्रमा क्षति क्षति पुर्याएकाे हाे ।
यो सडक खण्डमा कालोपत्रका लागि गरिएको ‘सवबेस’, ग्याविन पर्खाल र नाली बगाएको उत्तरदक्षिण कोशी सडक आयोजनाका प्रमुख सविन कोइरालाले बताए । उनका अनुसार बाढीले कोशी राजमार्गअन्तर्गत खाँदबारी किमाथाङ्का खण्डको ठूलो ढुङ्गा–पाङ्मा अरुणथानमा सबैभन्दा बढी क्षति भएको छ ।
वर्षाका कारण मकालु गाउँपालिकाको नुममा पहिरो खसेपछि सडक अवरुद्ध भएको छ । सडक अवरुद्ध हुँदा आवत-जावतमा समस्या भएकाे छ ।
आयोजना प्रमुख कोइरालाले अवरुद्ध सडक खुलाउने प्रयास भइरहेको बताए । वर्षाले पिच गर्न तयार गरिएको सडक बगाउँदा करिब एक करोड रुपैयाँ बराबरकाे क्षति भएको पनि उनले बताए ।
Tags: #बाढीले सडकमा क्षति
