नेपाल पूर्वाधार 
दमौली । दुलेगौडा-लामागाउँ सडकअन्तर्गत दुलेगौडा–लिलाचोक खण्डकाे स्तरोन्नति सुरु भएको छ । साेमबारदेखि सडक खण्ड स्तराेन्तिकाे काम सुरु गरिएकाे हाे ।
शुक्लागण्डकी नगरपालिका–४ कसेरीमा आयोजित कार्यक्रममा शुक्लागण्डकी नगरपालिकाका प्रमुख कृष्णराज पण्डितले सडक स्तरोन्नतिको शुभारम्भ गरे ।
विश्व बैंककको ऋण सहयोग र नेपाल सरकारको अनुदानमा सञ्चालित सहरी शासन र पूर्वाधार परियोजना (एनयुजिआइपी) अन्तर्गत ७.१ किलोमिटर कालोपत्र गर्न निर्माण कम्पनी बानियाँ निर्माण सेवासँग सम्झौता भएर काम थालिएको हो ।
शुक्लागण्डकी नगरपालिका–४ दुलेगौडाबाट सुरु हुने कालोपत्रले नगरपालिका–८, ९ र १२ वडालाई जोड्ने छ । उक्त खण्डमा अस्फाल्ट प्रविधिबाट कालोपत्र हुनेछ ।
केही भागमा ढलान हुनेछ बिपीचोक, हेल्थपोष्टचोक, पुल्चोक, घारी, तालवेशी, मालेबगर हुँदै लिलाचोकसम्म कालोपत्र हुनेछ । स्तराेन्नतिकाे काम सम्पन्न गर्न २७ करोड ३४ लाख ७९ हजार ८ सय ३४ रुपैयाँ लागत अनुमान गरिएकाे छ ।
