नेपाल पूर्वाधार 
काठमाडौं । नेपाल राष्ट्र बैंक, विदेशी विनिमय व्यवस्थापन विभागले विदेशमा लगानी गर्न प्रतिबन्धित रहेको सम्बन्धी सूचना सार्वजनिक गरेको छ ।
विदेशी विनिमय (नियमित गर्ने) ऐन, २०१९ को दफा १०क ले विदेशमा लगानी गर्न प्रतिबन्धित गरेको छ । सोही ऐनको दफा ९ग ले यस बैंकले तोकिदिएको व्यवस्था बमोजिम वाहेक नेपालमा बसोबास गर्न व्यक्तिले कुनै पनि तरिकाले विदेशमा भुक्तानी दिने सम्बन्धी कार्य गर्न प्रतिबन्धित गरेको छ ।
नेपालमा बसोबास गर्ने कुनै पनि व्यक्तिले कुनै पनि किसिमले विदेशमा लगानी हुने गरी कुनै पनि कार्यहरु गर्न प्रतिबन्धित रहेको सूचनामा उल्लेख छ । विदेशमा लगानी हुन सक्ने घर जग्गा खरिद, धितोपत्र खरिद, सम्पत्ति खरिद, विदेशी बैंक तथा वित्तीय संस्थामा निक्षेप जम्मा गर्ने लगायतका पुँजीगत प्रकृतिका कारोबार गर्न पाइने छैन ।
उल्लेखित विषयसम्बन्धी प्रचार–प्रसार समेत राष्ट्र बैंकले तोकिदिएको व्यवस्था बमोजिम बाहेक विदेशमा भुक्तानी हुने सम्बन्धी कार्य नगर्नु नगराउन बैंकले सूचनामार्फत जानकारी दिएको हो ।
त्यस्तो कार्य गर्ने र गराएको पाइएमा कानूनबमोजिम कारबाही हुने स्पष्ट पारेको छ ।
Notice_FXMD_2079.09.29
