Nepal Purbadhar

बुधबार, अशोज १२, २०७९
Wednesday, September 28, 2022

बुधबार, अशोज १२, २०७९
Wednesday, September 28, 2022
नेपाली कांग्रेसको ऊर्जा नीति र चुनावी घोषणापत्रमा समेट्नु पर्ने मुद्दा ८ वर्षभित्र ३३ लाख घरधुरीमा विद्युतीय चुल्हो पुर्याउने कार्ययोजना निर्माण सुदूरपश्चिम प्रदेश राजधानी घोषणाका ४ वर्षमा पनि पूर्वाधारका काम अघि बढन सकेनन् अन्नपूर्ण पदमार्गमा पर्यटकीय चहलपहल बढ्दै, २०२२ मा अहिलेसम्म ७ हजार २१३ विदेशी पर्यटक आए बजेट पारदर्शितामा नेपाल १२ स्थान तल झर्यो, नागरिक सहभागितामा भने दक्षिण एशियामै उत्कृष्ट अवस्था ठिक नभएका २५ सवारी साधन ट्राफिक प्रहरीको कारवाहीमा, १४ नियन्त्रणमा कोषले हिमाल दोलखा हाइड्रोपावरको हकप्रद शेयरको प्रत्याभुति गर्ने हरित हाइड्रोजनमा लगानी भित्र्याउन ‘नेपाल ग्रीन हाइड्रोजन समीट’ गर्दैछाैंः घले

काठमाडौंमा साझाका ३ विजुली बस सञ्चालनमा, साउनमा थप ३७ बस भित्रिदै


काठमाडौं । साझा यातायातले विहीबारदेखि काठमाडौं उपत्यकामा ३ विद्युतिय बस सञ्चालनमा ल्याएको छ ।

शुरुवाती परिक्षणको रुपमा ३ बस सञ्चालन ल्याएको हो । थप ३७ बस साउन मसान्तसम्म भित्रिने योजना रहेको साझाले जानकारी दिएको छ । विहीबारदेखि सञ्चालन थालिएका ३ वटा विद्युतीय बसको ‘सफ्ट लञ्च’ ८५ वर्षिय साझा यातायातका संस्थापक अध्यक्ष विश्वबन्धु थापाले गरे ।

सञ्चालनमा आएका बस २०७८ वैशाख दोस्रो हप्ता काठमाडौं भित्रिएका थिए । त्यसपछि बागमति प्रदेश यातायात कार्यालयको विज्ञ टोलीले विस्तृत अध्ययन गरि सञ्चालनको लागि असार २ मा स्विकृति पत्र दिएको थियो । साझा यातायात सञ्चालक समितिको ७ असारको निर्णय अनुसार बस स्विकार गरी यातायात कार्यालयमा दर्ता भई नियमानुसार बाटो इजाजत लिई विद्युतिय बस सेवा शुभारम्भ गरिएको हो ।

यी विद्युतिय बस नयांबसपार्क–बालाजु ठमेल रत्नपार्क – सिंहदरवार – बानेश्वर – मिनभवन हुदै एयरपोर्टमा २ बस सञ्चालन हुने छन् । त्यस्तै, लगनखेल–लैनचौर–बांसबारी हुदै बुढानिलकण्ठ १ बस सञ्चालन हुदैछ । महिला चालक र सहचालकलाई प्रशिक्षण दिई यी बस सञ्चालनमा ल्याइएको हो ।

ब्याट्रिबाट चल्ने बस प्रविधि नयां भएकोले साझा यातायातले तिन चरणमा विद्युतिय सवारी भित्राउने योजना बनाएको छ । पहिलो चरणमा अन्तराष्ट्रिय बोलपत्र आव्हान गरि ८ दशमलव ५ मिटर लम्बाईको ४० बस खरिद गरिएका छन । जुन चिनको नानजिङ्ग शहर स्थित सिएचटिसि कम्पनीको उत्पादन गरेको हो ।

दोश्रो चरणमा १० देखि १२ मिटर लम्बाईको विद्युतिय शहरी बस तथा लामो दुरीको विद्युतिय बस खरिदको प्रकृया अगाडि बढाइसकेको साझाले सार्वजनिक गरेको प्रेस विज्ञप्तिमा उल्लेख छ । सरकारले विद्युतिय परिवहन प्रवर्दन गर्न यसअघि नै साझा यातायात सहकारी संस्थालाई ३ अर्ब रुपैयाँ उपलब्ध गराएको छ ।

सरकारको कारण १६ महिना ढिलाई

सरकारले विजुली बस खरिद गर्न भनि साझा यातायात सहकारीमा २०७६ आषाढ ३१ मा ३ अर्व रुपैयाँ लगानी गरेको थियो । त्यसपछि साझा यातायातको विशेषज्ञ टोलिले तत्कालै अनुसन्धान थाल्यो । सो काम थालिएको २८ दिन नपुग्दै भौतिक पूर्वाधार तथा यातायात मन्त्रालयबाट सबै कार्य स्थगित गर्नु भन्ने पत्र आए पछि पुरै प्रकृया रोकियो ।

१६ महिनाको अवधि पश्चात सरकारले साझा यातायातलाई २०७७ फागुण २ को मन्त्रालयको पत्र अनुसार अवरोध हटाए पछि विज्ञ टोलिले काम फेरी अगाडि बढायो र अन्तर्राष्ट्रिय बोलपत्रद्धारा खरिद प्रकृया शुरु गरिएको थियो ।

चार्जिङ स्टेशनको लागि जग्गाको माग

विजुली बसका लागि ठुलो क्षेत्रफल भएको चार्जिङ्ग स्टेशन आवश्यक पर्छ । आवश्यक जग्गा उपलब्ध गराउन साझाले सरकारसँग अनुरोध गरिसकेको छ । साझा यातायात अध्यक्ष कनकमणि दीक्षितका अनुसार यथाशिघ्र चार्जिङ्ग स्टेशनको लागि जग्गा उपलब्ध हुनेमा साझा आशावादी छ । निजी क्षेत्रले सार्वजनिक यातायातको ठुलो हिस्सा ओगटेको कारण सरकारले यस क्षेत्रलाई विजुली बस सञ्चालनमा ल्याउन सम्भव तुल्याउन सहुलियत ऋण उपलब्ध गराउनु पर्छ भन्ने साझाको भनाइ छ ।


Read Previous

मौद्रित नीतिमा समेट्न सिबिफिनका यस्ता छन् २७ बुँदे सुझाव, पूर्वाधार बैंकले लगानी रकम निक्षेपमा राख्न पाउनुपर्ने

Read Next

सिमरा सोलार आयोजनाकाे १ मेगावाट विद्युत राष्ट्रिय प्रसारण प्रणालीमा जोडियो

Leave a Reply

Your email address will not be published.