Nepal Purbadhar

शुक्रबार, चैत्र १६, २०८०
Friday, March 29, 2024

शुक्रबार, चैत्र १६, २०८०
Friday, March 29, 2024
निर्माण व्यवसायी महासंघको २५औं साधारणसभाको तयारी पूरा, शुक्रबार प्रधानमन्त्रीले उद्घाटन गर्ने ‘स्मार्ट नगर’ बन्दै धुलिखेल नगरपालिका, नागरिकलाई घरबाटै सेवा  मध्यपहाडी लोकमार्ग निर्माणले छेउछाउमा मानव बस्ती बढ्दै    सुपर त्रिशूली जलविद्युत आयाेजनाकाे इआइए बदरकाे माग गर्दै सर्वाेच्चमा मुद्दा दायर ग्लोबल आइएमई बैंक र आइएफसीबीच जोखिम व्यवस्थापन,लैङ्गिक तथा जलवायु वित्त क्षेत्रमा परामर्श सेवासम्बन्धी समझदारी रसुवागढी जलविद्युत आयाेजनाः विद्युतगृहकाे उपकरण परीक्षण अन्तिम चरणमा    प्रतिकूल मौसमले ‘भिजिबिलिटी’ कमजोर हुँदा हवाई उडान प्रभावित    दैलेखका ४ गाउँपालिकाका ७ गाउँमा राष्ट्रिय प्रसारण प्रणालीबाट विद्युतीकरण

हरित हाइड्रोजन उत्पादनमा आइओसीकाे ३ खर्ब लगानी,१० हजार पेट्राेल पम्पलाई चार्जिङ स्टेसन बनाइने


काठमाडौं । इन्धनको कारोबार गर्ने भारतीय आयल निगम (आइओसी) ले हरित हाइड्राेजन उत्पादनमा ३ खर्ब १९ अर्ब ९७ करोड ६० लाख रुपैयाँ (२ खर्ब भारतीय रुपैयाँ ) लगानी गर्ने भएकाे छ । आइओसीले सन् २०४६ सम्ममा आफ्ना सबै रिफाइनरिहरूलाई नवीकरणीय ऊर्जा उपयाेगमा स्थानान्तरण (ट्रान्जिक्सन) गर्न हरित हाइड्रोजन उत्पादनमा लगानी गर्ने योजना अघि सारेको हाे ।

सन् २०४६ सम्ममा शून्य कार्बन उत्पादनको लक्ष्यसहित आफ्ना रिफाइनरिलाई नवीकरणाीय  ऊर्जा  उपयाेगमा स्थानान्तरण (ट्रान्जिक्सन) गरिसक्ने  आइओसीकाे लक्ष्य छ ।  आइओसीले यही लक्ष्य पूरा गर्न अहिले सञ्चालनमा रहेका  हाइड्रोजन केन्द्रहरूबाट हरित हाइड्राेजन उत्पादनका लागि यति ठूलाे लगानी गर्ने योजना बनाएको हो ।

आइओसीले अबकाे १० वर्षभित्रमा अहिले उत्पादन गरिरहेकाे हाइड्रोजनकाे अनुपातलाई ५० प्रतिशत हरित हाइड्राेजनमा रुपान्तरण गर्ने याेजनामा काम गरिरहेकाे छ । साथै, सन्र २०४० सम्ममा याे अनुपातलाई बढाएर शतप्रतिशत पुर्याउने उसकाे लक्ष्य छ ।

अहिले उत्पादन गरिरहेकाे २५६ मेगावाट नवीकरणीय ऊर्जाकाे हिस्सा बढाएर १२ गिगावाट अर्थात १२ हजार मेगावाट पुर्याउने याेजना रहेकाे पनि आइओसीले जनाएकाे छ । आइओसीका अनुसार अबकाे २ वर्षमा अहिले सञ्चालनमा रहेका १० हजार इन्धन वितरण हुने पेट्राेल पम्पहरूलाई विद्युतीय सवारी चार्जिङ स्टेसनमा रुपान्तरण गर्ने याेजनामा पनि काम भइरहेकाे छ ।

आइओसीले गरेकाे प्रक्षेपण अनुसार सन् २०३० सम्ममा भारतको इन्धन माग प्रतिदिन ५.१ मिलियन ब्यारेलबाट बढेर ७ देखि  ७.२ मिलियन ब्यारेल पुग्ने देखिन्छ । सन् २०४० सम्ममा याे माग बढेर ९० मिलियन ब्यारेल प्रतिदिन पुग्ने आइओसीकाे प्रक्षेपण छ ।

याे माग पूरा गर्न आफ्नाे रिफाइनिङ क्षमता वार्षिक ८१.२ मिलियन टनबाट बढाएर १०६.७ मिलियन टन पुर्याउने  लक्ष्य राखिएकाे आइओसीले जनाएकाे छ । आइओसीले भारतकाे सवारी साधनमा पेट्राेलियम इन्धनकाे विकल्पमा हरित हाइड्राेजन, विद्युतीय सवारी साधनकाे प्रवर्द्धन तथा विद्युतीय सवारी चार्जिङ स्टेसन निर्माणमा लगानी गरी नवीकरणीय ऊर्जा स्थानान्तरण गर्ने तयारी अनुरुप याेजना बनाएर काम गरिरहेकाे छ ।

आइओसीले हालै राजस्थानमा  नवीकरणीय ऊर्जा उत्पादन गर्न १ हजार मेगावाट विद्युत खपत हुने हरित हाइड्राेजन प्लान्ट राख्न त्यहाँको राज्य  सरकारसँग समझदारी गरिसकेको छ ।


Read Previous

सडक कालोपत्र सुरु हुँदा स्थानीयवासी खुसी

Read Next

७ वर्षमा विद्युत उत्पादन, प्रसारण र वितरणतर्फको पूर्वाधार निर्माणमा १० बिलियन डलर लगानी आवश्यक

Leave a Reply

Your email address will not be published.