Nepal Purbadhar

शुक्रबार, मंसिर २३, २०७९
Friday, December 9, 2022

शुक्रबार, मंसिर २३, २०७९
Friday, December 9, 2022

अमेरिकाद्वारा नेपालको ऊर्जा क्षेत्रमा महिला नेतृत्व विकासको लागि कार्यक्रम सुरु


काठमाडौं/ युनाइटेड स्टेट्स एजेन्सी फर इन्टरनेशनल डेभलपमेन्ट (युएसएआईडी) ले नेपालको ऊर्जा क्षेत्रमा महिला नेतृत्व विकास गर्ने कार्यक्रम सुरु गरेको छ । भविष्यको ऊर्जा नेतृत्वका लागि युएसआईडीले महिलाको नेतृत्व र व्यवस्थान सिप विकासका लागि नौ महिने कार्यक्रम सुरु गरेको हो । पुरुष प्रधान समाज रहेको नेपालको ऊर्जा क्षेत्रमा महिला सहभागिता कमजोर रहेको बेला यसले नेतृत्वगर्ने क्षमता वृद्धिका लागि सहायता गर्नेछ ।

महिलाहरूले ऊर्जा क्षेत्रमा काम गर्दा भोगिरेहको दैनिक समस्या र चुनौतीहरूलाई दृष्टिगत गरी ल्याइएको कार्यक्रमले उनीहरूलाई भविष्यमा चाहिने पहिचान र क्षमता वृद्धिका लागि अहिलेको प्राविधिक खाडल अन्त्य र नेतृत्व सिपको सुधारका कार्य गर्नेछ । कार्यक्रमको नौ महिने अवधिमा नेपालको ऊर्जा क्षेत्रको सान्दर्भिक विषयमा प्राविधिक तालिम तथा नेतृत्व र व्यक्तित्व विकासका लागि तालिम गर्ने योजना छ ।

कार्यक्रमको शुभारम्भमा ऊर्जा, जलस्रोत तथा सिञ्चाई मन्त्री, कृषि सहकारी तथा प्राकृतिक स्रोत समितिकी अध्यक्ष पूर्णकुमारी सुवेदी, ऊर्जा सचिव सुशील चन्द्र तिवारी लगायत सहभागी थिए ।

सचिव तिवारीले कार्यक्रमले ऊर्जाको नीति निर्माणदेखि व्यवस्थापन क्षेत्रमा समेत यसले महत्वपूर्ण भूमिका निर्वाह गर्ने बताए ।
युएसएआईडी नेपाल मिसन निर्देशक सेपिदेह किभनशादले विशेष गरी भावी महिला ऊर्जा क्षेत्रका नेताहरूलाई लक्षित गरेर नेपालमा ऊर्जा क्षेत्रलाई अगाडि बढाउन नेपाल सरकारको साझेदारीमा कार्यक्रम सुरु गरिएको र यसले महिला नेतृत्व विकासमा ठूलो सहयोग पुर्याउने बताइन ।


Read Previous

पञ्चेश्वर प्राधिकरणमा ३ महिनाभित्र कार्यकारी समितिका पदाधिकारी पठाइने

Read Next

बाराको टाँगिया बस्तीमा पुग्याे राष्ट्रिय प्रसारण प्रणालीकाे विद्युत

Leave a Reply

Your email address will not be published.