नेपाल पूर्वाधार 
काठमाडौं । रियल स्टिल प्रालिले २०२५ मा १ अर्ब ४० करोड ५० लाख रुपैयाँको कारोबार गरेको छ ।
२०२५ मा कम्पनीको व्यापार १ अर्ब ४० करोड ५० लाख रुपैयाँ भएको हो । सो अवधिमा कम्पनीको पिबिआइएलडिटी मार्जिन ८.९७ प्रतिशत कायम भएको छ ।
यसअघि २०२४ मा यो कम्पनीको व्यापार १ अर्ब २४ करोड १० लाख रुपैयाँ हुँदा मार्जिन १०.१६ प्रतिशत कायम भएको थियो ।
त्यस्तै, २०२३ मा यो कम्पनीले १ अर्ब २३ करोड १० लाख रुपैयाँको कारोबार गरेको थियो । सो वर्ष भने कम्पनीको पिबिआइएलडिटी मार्जिन नकरात्मक रहेको थियो ।
सन् २०१८ मा खुलेको रियल स्टिल प्रालिले २०२० बाट आफ्नो उत्पादन सुरू गरेको थियो । मुख्य गरि एमएस पाइप, सटर पट्टी, सटर गाइडलगायतका उत्पादन गर्ने यो कम्पनीसँग वार्षिक रुपमा ५० हजार १९८ मेट्रिक टन उत्पादन गर्ने क्षमताको कारखाना रहेको छ ।
कम्पनीको कारखाना भने बिरगञ्जमा रहेको छ ।
कम्पनीको अध्यक्षका रूपमा भने प्रेम कुमार जतिया रहेका छन् ।
हालका लागि यो कम्पनीले १ अर्ब ३६ करोड ८८ लाख रुपैयाँको कर्जा सुविधाका लागि रेटिङ गराएको छ । केयर रेटिङ नेपालले यो कम्पनीलाई ७५ करोड ३८ लाख रुपैयाँको दीर्घकालिन कर्जा सुविधाका लागि बि प्लस र ६१ करोड ५० लाख रुपैयाँको अल्पकालिन कर्जा सुविधाका लागि ए फोर रेटिङ दिएको छ ।
