नेपाल पूर्वाधार 
काठमाडौं । सुशिला कार्कीको नेतृत्वमा बनेको मन्त्रिपरिषद्को पहिलो बैठक सुरु भएको छ । भर्खरै सिंहदरबारमा बैठक सुरु भएको हो ।
जेनजी आन्दोलनका कारण केपी ओली सरकार ढलेपछि कार्कीको नेतृत्वमा अन्तरिम सरकार गठन भएको हो । आइतबार कार्कीले मन्त्रिपरिषद् विस्तार गर्ने निर्णय गरेकी थिइन् । ऊर्जा, भौतिक पूर्वाधार तथा यातायात र सहरी विकास मन्त्रालयको जिम्मेवारी कुलमान घिसिङले पाएका छन् । गृह र कानुन मन्त्रालयको जिम्मेवारी ओम प्रकाश अर्याल र अर्थ मन्त्रालयको जिम्मेवारी रामेश्वर खनालले पाएका छन् ।
आजै तीन मन्त्रीहरुले शपथ खाएर पदभार ग्रहण गरेका छन् ।
जेनजी आन्दोलनका कारण निजी सहित सरकारी संरचनाहरु ध्वस्त भएका छन् । ७० जना बढीले ज्यान गुमाइसकेका छन् ।
अन्तरिम सरकारको मन्त्रिपरिषद्ले कस्तो निर्णय गर्छ भनेर सिंगो देश त्यसको पर्खाइमा छ।
Facebook Comments
