नेपाल पूर्वाधार 
एजेन्सी । मोरिस गराज (एमजी) को सेमी सोलिड स्टेट ब्याट्री भएको एमजी ४ ले बिक्रीका लागि अनुमति पाएको छ ।
चिनियाँ नियामक निकायले बिक्रीका लागि अनुमति दिएको हो ।
यो कारको बाह्य डिजाइन अन्य एमजी ४ भेरियन्टसँग उस्तै रहेको छ । यसमा अगाडिको भागमा एक मात्र मोटर जडान गरिएको छ, जसको अधिकतम शक्ति १२० किलोवाट छ ।
अन्शिन एडिसनमा केही एमजी ४ भेरियन्टमा प्रयोग भएको लिथियम–आयरन–फस्फेट ब्याट्रीलाई प्रतिस्थापन गरी म्याङ्गनीज–आधारित लिथियम–आयन ब्याट्री राखिएको छ, जसका सेलहरू सुझो क्विङटाओ पावर टेक्नोलोजी कम्पनी लिमिटेड ले आपूर्ति गर्नेछ । ब्याट्रीको क्षमता र रेन्ज हालसम्म सार्वजनिक गरिएको छैन । ब्याट्री परिवर्तन भए पनि शक्ति उत्पादन र एकल–मोटर लेआउट विद्यमान प्रि–सेल मोडेलसँग उस्तै छ ।
डिजाइन पक्षमा पनि विद्यमान एमजी ४ जस्तै नयाँ हेडलाइट क्लस्टर, हनीकोम्ब सजावटसहितको खण्डित तल्लो इन्टेक, वायुगतिकीय साइड एयर च्यानल र प्रकाशमान अगाडिको ब्याज राखिएको छ । लामो व्हीलबेस र छोटा ओभरह्याङहरू भएको साइड प्रोफाइलले केबिन स्पेस र ह्यान्डलिङ क्षमतामा सुधार ल्याउने दाबी गरिएको छ । पछाडिको भागमा भने तीर आकारका तत्वसहितको फुल–विथ टेललाइट डिजाइन कायम राखिएको छ ।
एमजी ४ को लम्बाइ ४,३९५ मिमि, चौडाइ १,८४२ मिमि र उचाइ १,५५१ मिमि छ भने व्हीलबेस २,७५० मिमि रहेको छ। ट्रिम अनुसार यसमा १६ इन्च वा १७ इन्चका पाङ्ग्रा उपलब्ध हुनेछन् ।
प्रि–सेल मोडेलकै आधारमा तयार गरिएको इन्टेरियरमा दुई–स्पोक स्टेरिङ व्हील, सानो डिजिटल इन्स्ट्रुमेन्ट डिस्प्ले, स्टेरिङ स्तम्भमा जडित गियर सेलेक्टर र सेन्टर कन्सोलमाथि राखिएको फ्लोटिङ टचस्क्रिन रहेको छ।
अन्शिन एडिसनमा अधिकतम १२० किलोवाट उत्पादन गर्ने एकल–मोटर प्रणाली हुनेछ। म्याङ्गनीज–आधारित लिथियम–आयन ब्याट्रीको क्षमता र ड्राइभिङ रेन्जबारे विस्तृत विवरण भने हालसम्म खुलाइएको छैन ।
प्राप्त जानकारीअनुसार, सेमी–सोलिड–स्टेट ब्याट्रीयुक्त एमजी४ को मूल्य सेप्टेम्बरमा घोषणा गरिने र यो वर्षकै अन्त्यअघि डेलिभरी सुरु गर्ने योजना छ। सन्दर्भका लागि, चीनमा हालैको एमजी ४ चार भेरियन्टमा अगस्ट ५ देखि प्रि–अर्डरका लागि उपलब्ध छ, जसको मूल्य ७३,८०० युआनदेखि १,०५,८०० युआनसम्म (झण्डै १०,१०० देखि १४,४०० अमेरिकी डलरसम्म) रहेको छ।
