नेपाल पूर्वाधार 
काठमाडौं । विद्युत विकास विभागको जिम्मेवारी जीवछ मण्डलले पाएका छन् ।
बिहिबारको ऊर्जा मन्त्रिस्तरीय निर्णयले उनलाई विभागको जिम्मेवारी दिने निर्णय गरेको हो । बुढीगण्डकी जलविद्युत कम्पनीमा प्रमुख कार्यकारी अधिकृतका रुपमा कार्यरत मण्डलले दोस्रो पटक विभागको जिम्मेवारी पाएका हुन् ।
सरकारले बुढीगण्डकी जलविद्युत कम्पनीमा खुल्ला प्रतिस्पर्धामा अरुण रजौरियालाई नियुक्त गरिएको छ । विभागका महानिर्देशक नविनराज सिंहलाई मन्त्रालय तानिएको छ ।
जीवछ मण्डलले नेपाल पूर्वाधारसंग संक्षिप्त कुराकानी गर्दै जलविद्युत विकास राम्ररी गर्नतिर आफु लाग्ने बताए । उनले समृद्ध नेपाल निर्माणका लागि काम गर्ने बताए ।
