नेपाल पूर्वाधार 
काठमाडौं । काठमाडौं उपत्यका विकास प्राधिकरणले सरकारी, पर्ति, ऐलानी तथा खोलाको मापदण्ड बमोजिमका जग्गा अतिक्रमण गरी निर्माण गरिएका अनधिकृत संरचना हटाउन आग्रह गरेको छ । प्राधिकरणले सूचना प्रकाशित गरी ३५ दिनभित्र अनधिकृत संरचना हटाउन आग्रह गरेको हाे ।
प्राधिकरणले उपत्यकाका नगरहरूको पुनःनिर्माण, विकास र विस्तारमार्फत व्यवस्थित गर्न अतिक्रमण गरी निर्माण गरिएका संरचना हटाउन भनेकाे छ । सूचना प्रकाशित भएकाे मितिले ३५ दिनभित्र अनअधिकृत संरचना भत्काउन अटेर गरेमा प्राधिकरणले अटाउने सूचनामा भनिएकाे छ ।
‘ताेकिएकाे अविधभित्र संरचना नहटाएमा त्यसपछि हटाउँदा लाग्ने खर्च समेत सम्बन्धित व्यक्ति वा संस्थाबाट असुलउपर गरिनेछ‘ ’ सूचनामा भनिएकाे छ ।
उपत्यकामा योजनाबद्ध भौतिक विकासका लागि आधारभूत मापदण्ड तय गर्न काठमाडौं उपत्यका विकास प्राधिकरण ऐन, २०४५ को दफा ३ बमोजिम प्राधिकरण स्थापना गरिएकाे हाे ।
