नेपाल पूर्वाधार 
काठमाडौं। बंगालको खाडीमा विकसित गहिरो न्यूनचापीय प्रणाली आगामी २४ घण्टापछि कमजोर बन्ने सम्भावना रहे पनि त्यसको प्रभावले नेपालका विभिन्न क्षेत्रमा भारीदेखि धेरै भारी वर्षाको जोखिम कायमै रहेको मौसम पूर्वानुमान महाशाखाले जनाएको छ।
महाशाखाका अनुसार असोज ८ गते कोशी, बागमती, गण्डकी र लुम्बिनीका पूर्वी पहाडी क्षेत्रमा सुन्तला संकेत गरिएको छ। असोज ९ गते ताप्लेजुङ, संखुवासभा, सोलुखुम्बु, रामेछाप, दोलखा, सिन्धुपाल्चोक, रसुवा, धादिङ, गोरखा, मनाङ र मुस्ताङमा रातो संकेत गरिएको छ।
झापा, मोरङ, सुनसरीसहित मधेशका तराई जिल्ला तथा कैलाली, कञ्चनपुर, डोटी, डडेल्धुरा र बैतडीमा पहेँलो संकेत गरिएको छ।
भारी वर्षाका कारण बाढी, पहिरो, डुबान र गेग्रान बहावको जोखिम रहेकाले उच्च सतर्कता अपनाउन र सकेसम्म रातिको समयमा यात्रा नगर्न मौसमविद्ले आग्रह गरेका छन्।
