Nepal Purbadhar

शुक्रबार, असार ७, २०८१
Friday, June 21, 2024

शुक्रबार, असार ७, २०८१
Friday, June 21, 2024

नागरिक लगानी कोषले पाल्पा सिमेन्ट उद्योगको सेयर प्रत्याभूति गर्ने


काठमाडौं । नागरिक लगानी कोषले पाल्पा सिमेन्ट उद्योगको सेयर प्रत्याभूतिको जिम्मा पाएको छ । उद्योगले जारी गर्न लागेको साधारण सेयरको प्रत्याभूति कोषले गर्ने भएको हो ।सिमेन्ट उद्योग र कोषबीच बिहीबार सेयर प्रत्याभूति सम्झौतामा हस्ताक्षर भएको छ । सम्झौतामा कोषका कार्यकारी निर्देशक पर्वतकुमार कार्की र पाल्पा सिमेन्ट उद्योगकोतर्फबाट कार्यकारी निर्देशक विष्णुकुमार अग्रवालले हस्ताक्षर गरेका छन् ।

सम्झौता अनुसार सिमेन्ट उद्योगले सर्वसाधारणका लागि निष्कासन गर्ने सम्पूर्ण सेयर बिक्री नभएमा कोषले त्यसको प्रत्याभूति गर्नेछ । पाल्पा सिमेन्ट उद्योगले प्रतिकित्ता १ सय रुपैयाँ अंकित ७५ करोड रुपैयाँ बराबरको ७५ लाख कित्ता साधारण सेयर जारी गर्दैछ ।

सम्झौता कार्यक्रममा कोषका कामुनायव कार्यकारी निर्देशक शोभा श्रेष्ठ सुवेदी, हेमन्त पोखरेल, विभागीय प्रमुख तथा पाल्पा सिमेन्ट उद्योगका कार्यकारी निर्देशक अग्रवालसहितका उच्च व्यवस्थापकहरूको सहभागिता थियो । पश्चिम नवलपरासीमा अवस्थित यो उद्योगले भारतीय बजारमा पनि सिमेन्ट निर्यात गर्दै आएको छ ।


Read Previous

तनहुँ जलविद्युत आयोजनाकाे विद्युत प्रवाह हुने प्रसारण लाइन निर्माण ७३ प्रतिशत पूरा

Read Next

‘प्ल्यानेट भर्सेस प्लास्टिक’ अभियानमा ग्लोबल आइएमई बैंकको प्रतिबद्धता,वातावरणमैत्री दिगो अभ्यासकाे अनुशरण गर्ने

Leave a Reply

Your email address will not be published.