Nepal Purbadhar

सोमवार, असार ४, २०८१
Monday, June 17, 2024

सोमवार, असार ४, २०८१
Monday, June 17, 2024
उत्कृष्ट पर्यटकिय गन्तव्य स्थल ‘खुम्बु क्षेत्र’ मा थप पूर्वाधार विस्तार गरिँदै    पूर्वाधार क्षेत्रमा हुने बेरुजु न्यूनीकरणको लागि कानूनी स्पष्टता आवश्यक मुस्ताङको लोमान्थानमा पश्मिना डिडस्टिङ प्लान्ट स्थापना, पश्मिना गुणस्तरमा उल्लेख्य योगदान पुग्ने बेनी-जोमसोम-कोरला सडकको तिप्ल्याङ खण्ड स्तरोन्नति हुँदै दरबाङ-म्याग्दीखोला जलविद्युत् आयोजनाको दोस्रो अडिटमा सुरुङको काम सुरु एमसिसी परियोजना अन्तर्गतको रातमाटे सबस्टेसन निर्माणको जिम्मा टेक्नो इलेक्ट्रिक एण्ड इञ्जिनियरिङ कम्पनीलाई मेलम्ची बाढीको ३ वर्ष: पुनर्निर्माण सुस्त, स्थानीयवासी चिन्तित पेट्रोल, डिजेल र मट्टीतेलको मूल्य घट्यो

पिपिए सहमतिका लागि माथिल्लो तमोर र कालीगण्डकी गर्जको सार्वजनिक सुनुवाई हुँदै


काठमाडौं । विद्युत नियमन आयोगले निजी क्षेत्रको लगानीमा अगाडि बढेका २ जलविद्युत आयोजनाको सार्वजनिक सुनुवाई गर्ने भएको छ । आयोगले नेपाल विद्युत प्राधिकरणसँग हुने विद्युत खरिद सम्झौता (पिपिए) सहमतिका लागि २५५ मेगावाटको माथिल्लो तमोर र १८० मेगावाटको कालीगण्डकी गर्ज जलविद्युत आयोजनाको सार्वजनिक सुनुवाई गर्न लागेको हो ।

सानिमा समूह अन्तर्गतको तमोर सानीमा इनर्जी कम्पनीले प्रवर्द्धन गर्ने माथिल्लो तमोर जलविद्युत आयोजनाको सार्वजनिक सुनुवाई बिहीबारका लागि तय भएको आयोगले जानकारी दिएको छ । विद्युत विकास विभागको सानो गौचरणस्थित भवनको पाँचौं तलामा रहेको आयोग कार्यालयमा सार्वजनिक सुनुवाई कार्यक्रम राखिएको छ ।

आयोगका अनुसार बिहीबार दिउँसो २ देखि साँझ ५ बजेसम्मका लागि तय भएको सार्वजनिक सुनुवाई कार्यक्रममा यो आयोजनाको पिपिए दर निर्धारण तथा पिपिएमा सहमतिको लागि पेश भएको निवेदन उपर छलफलका हुनेछ । छलफलका लागि उपभोक्ता, उद्याेगी, व्यवसायी, स्थानीयबासी, प्रतिनिधिमुलक संस्था तथा स्थानीय जनप्रतिनिधिसहित सम्बन्धित सरोकारवाला सबैलाई बोलाइएको आयोगले जानकारी दिएको छ ।

आयोगका अनुसार सम्बन्धित सरोकारवालाले कार्यालयमा प्राप्त हुने गरी तथा इमेलमार्फत पनि लिखित राय/सुझाव दिन सक्नेछन् । यस्तै, गण्डकी प्रदेशको कालीगण्डकी नदीमा निर्माण प्रस्ताव गरिएको कालीगण्डकी गर्ज आयोजनाको पनि सार्वजनिक सुनुवाई हुँदैछ ।

कालीगण्डकी गर्ज हाइड्रो पावर कम्पनीले निर्माण गर्न लागेको यो आयोजनाको सार्वजनिक सुनुवाई कार्यक्रम आगामी शुक्रबार (भदौ ३१ गते) हुने तय भएको आयोगले जनाएको छ ।

दिउँदो १ देखि अपरान्ह ४ बजेसम्म सार्वजनिक सुनुवाई हुने हुँदा सम्बिन्धित सबै सरोकारवालालाई उपस्थितिका लागि आयोगले आग्रह गरेको छ । विद्युत प्राधिकरणले यी आयोजनाको पिपिए दर निर्धारण तथा पिपिए सहमतिको प्रस्ताव स्वीकृतिका लागि आयोगमा पेश गरेको थियो । यी दुवै  आयोजना  अध्ययन पूरा भई निर्माणमा जाने तयारी अवस्थामा छन् ।


Read Previous

मनास्लु हिमाल चढ्ने आकर्षण, आरोहण अनुमति लिनको संख्या साढे ४ सय नाघ्यो

Read Next

विकासित देशले एमोनिया तथा हाइड्रोजन उत्पादन योजनामा सघाउनुपर्ने अर्थमन्त्रीको भनाइ

Leave a Reply

Your email address will not be published.